დავით ბაქრაძე - ყველა მეკითხება - გვეშველება რამე? გვეშველება 23 დღეში, ოღონდ, ერთად უნდა დავდგეთ და ერთად უნდა მოვიტანოთ ცვლილებები ქვეყანაში

დღეს სადაც მივდივარ, ყველა მეკითხება - გვეშველება რამე? გვეშველება 23 დღეში, ოღონდ, ერთად უნდა დავდგეთ და ერთად უნდა მოვიტანოთ ცვლილებები ამ ქვეყანაში , - ამის შესახებ „ევროპული საქართველოს“ ლიდერმა დავით ბაქრაძემ ბათუმში განაცხადა, სადაც პარტიამ ბათუმის მაჟორიტარობის კანდიდატი არმაზ ახვლედიანი წარადგინა.

როგორც ბაქრაძე აცხადებს, საჭიროა გარდამტეხი ცვლილებები, რომ ხალხს მეტი კეთილდღეობა ჰქონდეს, ხოლო ხელისუფლებას ნაკლები.

„გარდამტეხი ცვლილება ნიშნავს იმას, როდესაც ხალხი ცხოვრობს კარგად და მთავრობა ცხოვრობს მოკრძალებულად. დღეს ჩვენს ქვეყანაში ყველაფერი ხდება პირიქით. დღეს ჩვენ ვართ მდიდარი მთავრობის ღარიბი ქვეყანა. დღეს ჩვენ ვართ ფუფუნებაში მცხოვრები მთავრობის, გაჭირვებაში მცხოვრები მოსახლეობა, ეს უნდა შევცვალოთ. ამას ვეძახით გარდამტეხ ცვლილებას, როდესაც ხალხს ექნება მეტი შემოსავალი და მეტი კეთილდღეობა და ნაკლები შემოსავალი მთავრობას. ეს არის გარდამტეხი ცვლილება და ამას უნდა მივაღწიოთ 31 ოქტომბერს.

ჩვენ შეგნებულად არ ვიყენებთ სიტყვას დაპირება, იმიტომ რომ უპასუხისმგებლო პოლიტიკოსებმა სიტყვა დაპირებას ფასი დაუკარგეს, ამიტომ ჩვენი ვალდებულებაა, მოვიტანოთ გარდამტეხი ცვლილებები, წავიყვანოთ ქვეყანა წინ და თუ ვინმე დარდობს და სურს დარჩეს დღევანდელი ჭაობი, თუ ვინმე დარდობს და უნდა, ქვეყანა უკან დავაბრუნოთ 2012-ში, ჩვენ გვაქვს ერთი ამოცანა, წავიდეთ წინ, დადგეს 2021 წელი და იყოს უკეთესი, ვიდრე წლევანდელია, ვიდრე შარშანდელი და ვიდრე 2012 წელი იყო, უფრო უკეთესი ვიდრე რომელიმე წელი. ესაა ჩვენი ამოცანა - მომავლის აშენება“,- განაცხადა ბაქრაძემ.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“