დავით ზალკალიანმა საყოველთაო ჯანდაცვის მეგობართა ჯგუფის შეხვედრაში მიიღო მონაწილეობა

საქართველოს საგარეო საქმეთა მინისტრმა დავით ზალკალიანმა მონაწილეობა მიიღო საყოველთაო ჯანდაცვის (UHC) მეგობართა ჯგუფის შეხვედრაში, რომელიც იაპონიის მთავრობის ინიციატივითა და ჯგუფის თანათავმჯდომარეების - იაპონიის, საქართველოსა და ტაილანდის, ასევე, მსოფლიო ჯანდაცვის ორგანიზაციის თანამასპინძლობით დისტანციურ რეჟიმში გაიმართა.

საგარეო საქმეთა სამინისტროს ინფორმაციით, ღონისძიებაში პარტნიორი ქვეყნების საგარეო საქმეთა მინისტრებთან ერთად, მონაწილეობდნენ ასევე გაეროს გენერალური მდივანი, ანტონიო გუტერეში და ჯანდაცვის მსოფლიო ორგანიზაციის გენერალური დირექტორი, ტედროს ადჰანომ გებრეიესუსი, ასევე, გაეროს ბავშვთა ფონდის აღმასრულებელი დირექტორი ჰერიეტა ფორი.

„შეხვედრის მიზანს წარმოადგენდა ახალ კორონავირუსთან ეფექტურად ბრძოლის საქმეში საყოველთაო ჯანდაცვის როლის და მნიშვნელობის შეფასება და ამ მხრივ ქვეყნების გამოცდილების გაზიარება; ასევე საყოველთაო ჯანდაცვის თემაზე 2019 წლის მაღალი დონის შეხვედრის პოლიტიკური დეკლარაციის შესრულების საჭიროების ხაზგასმა და საყოველთაო ჯანდაცვისა და კოვიდ 19-ის თემებზე გაეროს გენერალური მდივნის ახალი დოკუმენტის განხილვა.

გამოსვლისას მინისტრმა ხაზი გაუსვა ჯანმრთელობის უფლების, როგორც ადამიანის ძირითად უფლებათაგან ერთ-ერთის, რეალიზაციის მნიშვნელობას. მისი განმარტებით, საყოველთაო ჯანდაცვა, რომელიც საკვანძოა მდგრადი განვითარების მე-3 მიზნის (ყველა ასაკში ჯანმრთელი ცხოვრებისა და კეთილდღეობის უზრუნველყოფა) მიღწევისათვის, წარმოადგენს ჯანდაცვის სერვისებთან წვდომის გზაზე ფინანსური ბარიერების აღმოფხვრის მნიშვნელოვან მექანიზმს.

მინისტრმა მიმოიხილა COVID19-თან ბრძოლაში საქართველოს გამოცდილება და აღნიშნა, რომ ამ მხრივ მიღწეულ წარმატებაში მნიშვნელოვანი როლი შეასრულა საყოველთაო ჯანდაცვის რეფორმამ, რომელიც საქართველოს მთავრობამ 2013 წელს დაიწყო და ჯანმრთელობის მსოფლიო ორგანიზაციის ევროპის რეგიონალური ოფისის მნიშვნელოვანი მხარდაჭერით განხორციელდა.

საყოველთაო ჯანდაცვის საკითხებზე მეგობართა ჯგუფი შეიქმნა იაპონიის ინიციატივით და ის წარმოადგენს არაფორმალურ პლატფორმას წევრი ქვეყნებისათვის, რომლის ფარგლებშიც ხდება მოსაზრებათა გაცვლა და ინფორმაციის გაზიარება 2030 წლისთვის საყოველთაო ჯანდაცვის მიღწევის მხარდამჭერი ინიციატივებისა და გზების შესახებ.

აღსანიშნავია, რომ პოლიტიკური დეკლარაციის ტექსტზე მთავრობათაშორის მოლაპარაკებებს, რომელიც საყოველთაო ჯანდაცვის თემაზე 2019 წლის სექტემბერში გამართული მაღალი დონის შეხვედრისას იქნა მიღებული, გაეროსთან საქართველოსა და ტაილანდის მუდმივი წარმომადგენლები ხელმძღვანელობდნენ“, - აღნიშნულია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს