მთიან ყარაბაღში, ქალაქ შუშის ეკლესიის დაბომბვის შედეგად, ერთი რუსი ჟურნალისტი დაიჭრა. ამის შესახებ სომხეთის თავდაცვის სამინისტროს ოფიციალური წარმომადგენელი არცრუნ ჰოვანისიანი იუწყება.
„რუსი ჟურნალისტი, რომელიც ქალაქ შუშში მდებარე მაცხოვრის ეკლესიასთან მუშაობდა, აზერბაიჯანის შეიარაღებული ძალების მიერ ეკლესიის ხელმეორედ დაბომბვის შედეგად დაიჭრა“, - განაცხადა ჰოვანისიანმა.
სომხეთის ერთიანი საინფორმაციო ცენტრის ხელმძღვანელის ოვანეს მოვსესიანის განცხადებით კი, აზერბაიჯანის შეიარაღებული ძალების მიერ ტაძრის დაბომბვის შედეგად, რამდენიმე ჟურნალისტი დაიჭრა. მისივე თქმით, რუსი ჟურნალისტის მდგომარეობა მძიმეა.
მისივე ინფორმაციით, ამ დროისთვის რუს ჟურნალისტს ოპერაცია უტარდება.