პროკურორი დავით გარეჯის საქმეზე - ყველა პირი, ვისზეც გამოძიება მიიჩნევს, რომ შესაძლოა, მნიშვნელოვან ინფორმაციას ფლობდეს, აუცილებლად დაიკითხება, მიუხედავად მისი პოლიტიკური კუთვნილებისა თუ თანამდებობისა

პროკურორ ამირან გულუაშვილის განცხადებით, ყველა პირი, ვისაც შემხებლობა აქვს დავით გარეჯთან დაკავშირებით დაწყებულ სისხლის სამართლის საქმესთან და ვისზეც გამოძიება მიიჩნევს, რომ შესაძლოა, მნიშვნელოვან ინფორმაციას ფლობდეს, აუცილებლად დაიკითხება, მიუხედავად მისი პოლიტიკური კუთვნილებისა თუ თანამდებობისა. ამით პროკურორმა უპასუხა ტელეკომპანია „პალიტრანიუსის“ გადაცემა „360 გრადუსში“ წამყვანის კითხვას, გამოკითხულები არიან თუ არა საქმესთან დაკავშირებით საგარეო საქმეთა სამინისტროს იმჟამინდელი ხელმძღვანელი პირები, მათ შორის მოქმედი პრეზიდენტი სალომე ზურაბიშვილი.

„გამოძიება იმდენად ინტენსიურ რეჟიმში მიმდინარეობს, მოწმეთა რაოდენობაც იზრდება.

რაც შეეხება სხვადასხვა მედიით და პოლიტიკური ჯგუფების მიერ გაჟღერებულ განცხადებებს, გამოძიების მიზანი არის, დაადგინოს, რა მოხდა რეალურად. არცერთი თანამდებობა, პოლიტიკური შეხედულებები თუ სხვადასხვა საკითხისადმი დამოკიდებულებები არ ათავისუფლებს პირს ვალდებულებისგან, გამოცხადდეს საგამოძიებო უწყებაში და გამოძიებას ინფორმაცია მიაწოდოს.

რაც შეეხება კონკრეტულ მტკიცებულებებს, დაცვის მხარემ უკვე დაიწყო ამაზე საუბარი, მაგრამ ვიდრე, დაცვის მხარე სიღრმისეულად არ გაეცნობა და საკუთარ კონტრარგუმენტებს არ წარმოადგენს საზოგადოებაში, სწორად არ მიგვაჩნია დეტალურად ვისაუბროთ სხვდასხვა პირთა ჩვენებებზე.

რაც შეეხება დაკითხულ პირებს, ყველა მთგანი, ვისი ჩვენებაც ბრალდებას ეფუძნება, გადაცემულია დაცვის მხარისთვის. ყველა პირი, ვისაც შემხებლობა აქვს სისხლის სამართლის საქმეზე გამოსაძიებელ ფაქტთან და ვისზეც გამოძიება მიიჩნევს, რომ შესაძლოა, მნიშვნელოვან ინფორმაციას ფლობდეს, აუცილებლად დაიკითხება, მიუხედავად მისი პოლიტიკური კუთვნილებისა თუ თანამდებობისა“,-აცხადებს პროკურორი.

მან არ დააკონკრეტა, დაინტერესდება თუ არა გამოძიება ამ საქმეში საქართველოს ყოფილი პრეზიდენტის, მიხეილ სააკაშვილის შესაძლო როლით.

„ნებისმიერი საგამოძიებო პროცესის მიზანია საკითხი სრულყოფილად შეისწავლოს და ყველა კითხვას პასუხი გასცეს“,-განაცხადა პროკურორმა.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)