გამარჯვებას გილოცავ საქართველო! ჩვენი ეროვნული ნაკრების წარმატებამ გაახარა მთელი ქვეყანა. საბოლოო გამარჯვებას ერთი ნაბიჯი გვაშორებს ,- ასე ეხმაურება დედაქალაქის მერი, კახა კალაძე საქართველოს საფეხბურთო ნაკრების ბელარუსთან გამარჯვებას.

"ვულოცავ ქართველ ფეხბურთელებს! ვულოცავ ქართული ფეხბურთის გულშემატკივრებს!

იმედი მაქვს, საქართველოს ეროვნული ნაკრები კიდევ არაერთხელ გაგვახარებს.

მატჩი საქართველოსა და ბელარუსის ნაკრებს შორის, საქართველოს გამარჯვებით დასრულდა",- წერს სოციალურ ქსელში კახა კალაძე.

ცნობისთვის, საქართველოს საფეხბურთო ნაკრებმა ბელარუსი 1:0 დაამარცხა და ევროპის 2020 წლის ჩემპიონატის პლეი-ოფის ფინალში გავიდა.