ქსელის გეგმური სარეაბილიტაციო სამუშაოების გამო, 9 ოქტომბერს, 10:00-დან 18:30 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში ქვეშეთი, ქვემო მლეთა, გოგნაური, გვიდაქე, ყველანი, ჩირიკი და მიმდებარე სოფლებში. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.

კომპანიის ცნობით, ასევე ელექტრომომარაგება შეუწყდება 13:00-დან 18:00 საათამდე აბონენტებს თბილისის მუნიციპალიტეტში მუხათწყაროში, მსხალდიდში, თხინვალაში, ლისზე, ნახშირგორაზე და მიმდებარე ტერიტორიაზე.

„ენერგო-პრო ჯორჯიას“ ინფორმაციით, სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.