გერმანიაში, ბოლო 24 საათის განმავლობაში, კორონავირუსის 4 516 ახალი შემთხვევა გამოვლინდა და ინფიცირებულთა საერთო რაოდენობა 314 660-მდე გაიზარდა, - შესაბამის მონაცემებს „რობერტ კოხის ინსტიტუტი“ ავრცელებს. ამავე მონაცემების თანახმად, ქვეყანაში ვირუსს კიდევ 11 ადამიანის სიცოცხლე ემსხვერპლა.

შეგახსენებთ, გუშინ რობერტ კოხის ინსტიტუტის ხელმძღვანელმა ინფექციური დაავადებების საკითხებში ლოტარ ვიელერმა განაცხადა, რომ გერმანიაში, ბოლო დროს ინფიცირების შემთხვევების მნიშვნელოვანი ზრდა შემაშფოთებელია და შესაძლოა, ვირუსის გავრცელება უკონტროლოც გახდეს.

„შესაძლოა, ყოველდღე 10 000 ახალი შემთხვევა გვქონდეს, შესაძლოა, ვირუსის გავრცელება უკონტროლო გახდეს,“- აღნიშნა ვიელერმა.