მამუკა ხაზარაძე - კულტურის სამინისტრო უნდა დაკომპლექტდეს ცალკე, თანამედროვე მენეჯმენტით

„ლელოს“ თავმჯდომარის მამუკა ხაზარაძის განცხადებით, ქართული კულტურა უმნიშვნელოვანესი მიმართულებაა საქართველოს იდენტობის, ამიტომ კულტურის ეკონომიკა უნდა შემოვიტანოთ, როგორც მცნება და ვიზრუნოთ მისი ექსპორტის განხორციელებაზე.

ამის შესახებ „ინტერპრესნიუსს“ „ლელოდან“ აცნობეს.

“ქართული კულტურა არის უმნიშვნელოვანესი მიმართულება ჩვენი ქვეყნის, ჩვენი იდენტობის. ქართული კულტურის ეკონომიკა უნდა შემოვიტანოთ როგორც მცნება და ვიზრუნოთ მისი ექსპორტის განხორციელებაზე,”- აღნიშნა ხაზარაძემ.

“ლელოს“ ხედვით კულტურის სამინისტრო უნდა დაკომპლექტდეს ცალკე, თანამედროვე მენეჯმენტით და მოხდეს მთელი კულტურის გადაყვანა ისეთ მოდელზე, სადაც მათ ექნებათ გრძელვადიანი დაფინანსება.

"ლელოს“ თავმჯდომარე მამუკა ხაზარაძე და პარტიის კულტურის სამუშაო ჯგუფის ერთ-ერთი ლიდერი თამთა შავგულიძე, კულტურის სფეროს წარმომადგენლებს შეხვდნენ და ლელოს „ახალი მარშალის“ გეგმა წარუდგინეს. „ახალი მარშალის“ გეგმა, სტრატეგიულ საკითხებთან ერთად, კულტურის სფეროსაც მოიცავს.

კულტურის სექტორის წარმომადგენლებმა დეტალურად მოისმინეს სფეროს განვითარების სტრატეგია და ის კონკრეტული მაგალითები, რასაც მათ "ლელოს“ მოდელი სთავაზობს.

ღონისძიებაზე „ლელოს“ თავმჯდომარემ აღნიშნა, რომ აუცილებლად უნდა აღდგეს კულტურის სამინისტრო, როგორც დამოუკიდებელი ორგანო. რადგან ეს სფერო გარკვეული პერიოდის შემდეგ ქვეყანაში ინვესტიციის შემოდინების წყარო გახდება.

მისივე თქმით, საქართველო უნდა დაუბრუნდეს კინემატოგრაფიის მწარმოებელთა რიგს.

„საქართველო უნდა დაუბრუნდეს კინემატოგრაფიის მწარმოებელთა რიგს, რადგან 30 წლის წინ იგი 6 წამყვან კინემატოგრაფ ქვეყანათა რიგში შედიოდა. ჩვენ უზარმაზარი შანსი გვაქვს იმისა, რომ საქართველო გახდეს კინოწარმოების ეპიცენტრი, ასევე დიდი შანსი გვაქვს და ეს შანსი უნდა გამოვიყენოთ სხვა სახელოვნებო მიმართულებით. „ლელოს“ აქვს საინტერესო ხედვა, რომელიც გავაცანით კულტურის სფეროს წარმომადგენლებს. ვთლით, რომ კულტურის სამინისტრო უნდა დაკომპლექტდეს ცალკე, თანამედროვე მენეჯმენტით და მოხდეს მთელი კულტურის გადაყვანა ისეთ მოდელზე, სადაც მათ ექნებათ გრძელვადიანი დაფინანსება, რომელიც გარკვეული პერიოდის შემდეგ ინვესტიციას შემოიტანს ქვეყანაში,“- განაცხადა ხაზარაძე.

“ლელოს” ერთ-ერთმა ლიდერმა თამარ შავგულიძემ კულტურის დარგში ლელოს “ახალი მარშალის გეგმის” პრიორიტეტებზე ისაუბრა. მისი თქმით, კულტურის სფეროს წარმომადგენლებმა პარტიის ლიდერებს მათი პრიორიტეტები და მოსაზრებები გააცნეს. შავგულიძე თვლის, რომ დღევანდელმა საზოგადოებამ “ლელოს” გეგმა სწორად გაიაზრა.

”ლელოელებმა შეხვედრა გავმართეთ კულტურის სფეროს წარმომადგენლებთან. მაქსიმალურად შევეცადეთ, დაგვეფარა სექტორი და ყველა დარგიდან მოვიწვიეთ სტუმრები. წარვუდგინეთ ჩვენი სტრატეგიული გეგმა კულტურის დეპოლიტიზაციის თვალსაზრისით და ძალიან გამიხარდა, რომ მისაღები აღმოჩნდა დაფინანსების ის ახალი მოდელები, რომელიც გულისხმობს დარგის დელეგირებას.

“ახალი მარშალის გეგმა” გვაძლევს იმის საშუალებას, რომ ფონდების და საბჭოების ოპერირება უზრუნველვყოთ სხვადასხვა ფინანსური ნაკადიდან. რაც აბსოლუტურად ასუსტებს სახელმწიფოს როლს, როგორც ერთადერთ და ძლიერ დამკვეთს ხელოვნების და კულტურის სფეროში. ამითი ვცდილობთ, გავათავისუფლოთ კულტურა პოლიტიკური დაქვემდებარებისგან, რაც მნიშვნელოვანია,”-აცხადებს შავგულიძე.

კულტურის სფეროს წარმომადგენლებთან შეხვედრისას „ლელო“ იმ ძირითად მესიჯებს შეეხო, რომელიც სფეროს აღდგენისა და აქტიური მუშაობისთვის არსებითად მნიშვნელოვანია:

1.“ლელო“ ემხრობა დეცენტრალიზაციის პრინციპს (რაც იმას ნიშნავს, რომ კულტურის პოლიტიკის ნაწილში ცენტრიდან (კულტურის სამინისტროდან) მოხდება საკითხთა დელეგირება რეგიონებზე და ფინანსურ და შინაარსობრივ ნაწილში. რეგიონი საკუთარი სახსრების დამოუკიდებელი განმკარგავი გახდება, ცხადია, ქვეყნის კანონმდებლობასთან და სტრატეგიული განვითარების ერთიან ხედვასთან კორელაციაში.

2.სამინისტროების გაყოფის საკითხი: „ლელო“ ემხრობა კულტურის სამინისტროს გამოყოფას.

ა) ეს კულტურას დაუბრუნებს კუთვნილ, წამყვან ადგილს ქვეყნის კონცეფციაში.

ბ) გამოყოფა გააიოლებს რეფორმირების პროცესს.

  1. „ლელოს“ მოდელში გათვალისწინებულია კულტურის სამინისტროს, როგორც პირდაპირი დამფინანსებლის როლის შესუსტება. საბიუჯეტო ორგანიზაციების შემთხვევაში ეს მოხდება დეცენტრალიზაციის გზით, არასაბიუჯეტო ორგანიზაციებისა და კულტურის დანარჩენი სექტორისთვის დარგობრივი ფონდების შექმნით.

4.თანხების ფონდებში აკუმულირება დაეხმარება საბიუჯეტო ორგანიზაციებს, საბიუჯეტო დაფინანსების პარალელურად მოიზიდონ დამატებითი თანხები.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)