რომან გოცირიძე - სად არის უსაქმური მეცნიერებათა აკადემია?! გამოვიდნენ აკადემიკოსები და დაგმონ ხელისუფლების მოღალატეობრივი და უღირსი საქციელი!

სად არის უსაქმური მეცნიერებათა აკადემია?! გამოვიდნენ აკადემიკოსები და დაგმონ ხელისუფლების ეს მოღალატეობრივი და უღირსი საქციელი! ეს ადამიანები არიან სინდისის პატიმრები, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებთან, საქართველო- აზერბაიჯანის საზღვრის დემარკაციის საკითხზე დაწყებული გამოძიების ფარგლებში ნატალია ილიჩოვასა და ივერი მელაშვილის დაკავების ფაქტთან დაკავშირებით განაცხადა.

მისი თქმით, ის რაც დავით გარეჯთან დაკავშირებით ხდება, ეს არის რუსეთის სპეცსამსახურების მიერ საქართველოს ხელისუფლებასთან ერთად დადგმული წინასაარჩევნო აქცია.

"ის, რაც გარეჯთან დაკავშირებით ხდება - 2 მეცნიერის დაპატიმრება, ეს არის ქვეყნის ღალატი ბიძინა ივანიშვილისა და მისი პარტიის მიერ. ამ თემით სპეკულირება, ადამიანის ღირსების ფეხქვეშ გათელვა ხდება და ამათთვის ადამიანი არაფერი არ არის, ჭანჭიკია როგორც საბჭოთა კომუნისტების დროს . ეს ყველაფერი მიმართულია ჩვენი ქვეყნის ინტერესების საწინაადეგოდ. სად არიან მეცნიერები? სად არის უსაქმური მეცნიერებათა აკადემია, მუქთამჭამელი ხალხი, 20 წლის განმავლობაში რომ მხოლოდ ხელფასს იღებენ და ღირებული არაფერი შეუქმნიათ, ხრავენ ბიუჯეტს, გამოვიდეს ერთი აკადემიკოსი და თქვას, რომ მეცნიერების დევნა არის საბჭოთა კომუნისტური რეჟიმის გადმონაშთი, გამოვიდნენ აკადემიკოსები და დაგმონ ხელისუფლების ეს მოღალატეობრივი და უღირსი საქციელი. ან სად არიან კოლეგა კარტოგრაფები?! მეცნიერებს გმირობას ნუ მოვთხოვთო - ასე იციან თქმა, ეს საბჭოთა კავშირის დროს მიგაყენებდნენ, დაგხვრეტდნენ და ვინ არის ივანიშვილის მოფამფალებული, საწყალი რეჟიმი, ყველაზე დიდი გაგაგდონ სამსახურიდან და ეს ერთ თვეში დამთავრდება. დღეს ვინც დუმს, უღირსად იქცევა. ეს ადამიანები არიან სინდისის პატიმრები, ეს ადამიანები არიან პოლიტიკური პატიმრები წინასაარჩევნოდ მსხვერპლად შეწირული ივანიშვილის ძალაუფლების შენარჩუნებისთვის. ყველა დაისჯება, პირველ რიგში ისინი, ვინც ამას აფორმებენ დოკუმენტურად - ნაძირალა მოსამართლეები, რომლებიც ხელისუფლების ნებისმიერ დანაშაულებრივ დავალებას ასრულებენ,"- განაცხადა გოცირიძემ.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს