ოპოზიციურმა პოლიტიკურმა პარტიებმა ხელი მოაწერეს კონცეფციას - “სასამართლო სისტემის რეფორმირების პირველი 10 ნაბიჯი”

ოპოზიციურმა პოლიტიკურმა პარტიებმა ხელი მოაწერეს კონცეფციას - “სასამართლო სისტემის რეფორმორების პირველი 10 ნაბიჯი”.

დოკუმენტის მიხედვით, პარტიები თანხმდებიან საქართველოს მართლმსაჯულების სისტემის ინსტიტუციონალიზაციის, არაფორმალური გავლენებისგან გათავისუფლების, შიდადემოკრატიული წახალისებისა და უმაღლესი სტანდარტების დამკვიდრების აუცილებლობაზე.

კონცეფციაში გაწერილია 10 ძირითადი საკითხი, რაზეც პოლიტიკური პარტიები ახალი მოწვევის პარლამენტის შეკრების შემდეგ ითანამშრომლებენ, მათ შორის, დოკუმენტის მიხედვით, პარლამენტი მიიღებს პოლიტიკური შინაარსის რეზოლუციას. ამასთან, უნდა შეიცვალოს იუსტიციის უმაღლესი საბჭოს დაკომპლექტების წესი და უფლებამოსილების ფარგლები.

როგორც პარლამენტის დამოუკიდებელმა დეპუტატმა ეკა ბესელიამ ჟურნალისტებს განუცხადა, ამ შეთანხმებაში წარმოდგენილია ხედვა, როგორ უნდა შეიცვალოს სასამართლოში კლანური მმართველობა თავისუფალი და დამოუკიდებელი სასამართლო სისტემით.

“მართლა ძალიან ველოდებოდი, რომ შემდგარიყო ეს ხელმოწერა არჩევნებამდე იმიტომ, რომ ეს არის დოკუმენტი, რომელზეც მეც პირადად ვიმუშავე. რამდენიმე კვირის განმავლობაში გვქონდა სამუშაო პროცესი, რათა შეთანხმება ყოფილიყო მიღწეული, როგორ უნდა შეიცვალოს მართლმსაჯულების სისტემა და აუცილებელი გადაწყვეტილებები, რომელიც გვჭირდება ყველას, ვინც მომავალში ვაპირებთ ამ რეფორმაზე ვიმუშაოთ, რომ შევთანხმდეთ და ეს იყოს საჯაროდ გაცხადებული ხედვა, როგორ ვცვლით სასამართლოში კლანურ მმართველობას თავისუფალი და დამოუკიდებელი სასამართლო სისტემით“, - განაცხადა ბესელიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა