ნინო ბურჯანაძე - საერთოდ ოლიგარქებს სჩვევიათ, რომ ამ პლანეტაზე არ ცხოვრობენ - როგორც ჩანს, 63% საკრალური ციფრია  ივანიშვილისთვის

საერთოდ ოლიგარქებს სჩვევიათ, რომ ამ პლანეტაზე არ ცხოვრობენ თავისი გათვლებით და განცდებით. ბატონ ბიძინას ამ განცხადებით ეტყობა, რომ ის უბრალოდ საქართველოში არ ცხოვრობს, ის არის სადღაც სხვაგან,- ასე გამოეხმაურა “ერთიანი საქართველოს” ლიდერი ნინო ბურჯანაძე “ქართული ოცნების” თავმჯდომარის, ბიძინა ივანიშვილის განცხადებას.

როგორც ბურჯანაძე აცხადებს, სამართლიანი არჩევნების შემთხვევაში მმართველმა გუნდმა 34% მაინც რომ აიღოს, “ბედნიერი და მადლობელი” უნდა იყოს.

“როგორც ჩანს, 63% საკრალური ციფრია ბიძინა ივანიშვილისთვის. იმიტომ, რომ მახსოვს მარგველაშვილის არჩევის დროსაც და სხვა არჩევნების დროსაც მაინცდამაინც 63-ს ამბობდა. აგვიხსნას იქნებ, რატომ არა 62 ან 64. ისე, 94% ან 104% ჯობია. ჩანს, რომ ხელისუფლება აბსოლუტურად მოწყვეტილია რეალობას. დასავლეთ საქართველოში ვიყავი და ძალიან ბევრ ადამიანს შევხვდი. 64% კი არა 34% თუ აიღო ხელისუფლებამ, ძალიან ბედნიერი და მადლობელი იყოს. რა თქმა უნდა, ლაპარაკია სამართლიანად არჩევნების ჩატარების შემთხვევაში, თუმცა უსამართლო არჩევნებს დღეს არც საზოგადოება და არც პოლიტიკური ძალები არ დავუშვებთ. ძალიან სამწუხაროა, თუ ბიძინა ივანიშვილი გადაწყვეტს, რომ ცენტრალურ საარჩევნო კომისას დააწერინოს ის ციფრები, რაზეც საუბრობს. ამას მძიმე შედეგები მოყვება ქვეყნისთვის”,- განაცხადა ბურჯანაძემ.

ცნობისთვის, „ქართული ოცნება -დემოკრატიული საქართველოს“ თავმჯდომარის, ბიძინა ივანიშვილის განცხადებით, "ქართული ოცნება" დამაჯერებლად იმარჯვებს ამ არჩევნებში. ივანიშვილის თქმით, ყველა კვლევა ადასტურებს, რომ პარტიის საპროგნოზო მაჩვენებელი 54-დან 60%-მდე მერყეობს და რიგ შემთხვევებში, 63%-საც კი აჭარბებს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს