სომხეთის პრემიერ-მინისტრ ნიკოლ ფაშინიანსა და საფრანგეთის პრეზიდენტ ემანუელ მაკრონს შორის სატელეფონო საუბარი შედგა, - ამის შესახებ ინფორმაციას სომხური მედია ავრცელებს.

მათივე ინფორმაციით, საუბრის დროს ნიკოლ ფაშინიანმა საფრანგეთის პრეზიდენტს მთიან ყარაბაღში მიმდინარე სამხედრო ოპერაციების შესახებ ინფორმაცია მიაწოდა.

ემანუელ მაკრონმა ხაზი გაუსვა ცეცხლის შეწყვეტის და კონფლიქტის მშვიდობიანი მოგვარების მიზნით ეუთოს მინსკის ჯგუფის ფარგლებში მოლაპარაკებების გამართვის აუცილებლობასა და რუსეთის პრეზიდენტის ვლადიმერ პუტინის 8 ოქტომბრის შეთავაზების მნიშვნელობას. მაკრონმა აღნიშნა, რომ მას რუსეთის პრეზიდენტთან პირდაპირი კონტაქტი აქვს.