სომხეთის პროვოკაციული ქმედებების შედეგად 27 სექტემბრიდან დღემდე დაღუპულია 31 და დაშავებულია 164 მშვიდობიანი მოქალაქე, - ამის შესახებ ინფორმაციას აზერბაიჯანული მედია ქვეყნის გენერალურ პროკურატურაზე დაყრდნობით ავრცელებს.
უწყების ცნობით, 142 სამოქალაქო ობიექტი და 1 054 საცხოვრებელი სახლი სერიოზულადაა დაზიანებული.
შეგახსენებთ, აზერბაიჯანისა და სომხეთის შეიარაღებულ ძალებს შორის საბრძოლო მოქმედებები 27 სექტემბრის მერე არ წყდება. მხარეები სიტუაციის ესკალაციაში ერთმანეთს ადანაშაულებენ.