ჯანდაცვის მინისტრის მოადგილის გიორგი წოწკოლაურის ინფორმაციით, პირველ ეტაპზე, საქართველოში გრიპის 300 ათასამდე ვაქცინა შემოვა და ის პირველ რიგში, რისკ ჯგუფებს მოხმარდება.
როგორც წოწკოლაურმა პარლამენტის ჯანდაცვის კომიტეტის სხდომაზე განაცხადა, გრიპის ვაქცინის შემოტანა შემდგომშიც გაგძელდება.
“დღეის მდგომარეობით, გრიპის ვაქცინაში გადახდილია 18 მილიონ ლარამდე. ვაქცინა საქართველოში ეტაპობრივად შემოვა. პირველ რიგში, ვაქცინა მოწყვლად ჯგუფებს მოხმარდება და შემდგომ გავრცელდება საზოგადოებაზე“, - განაცხადა ჯანდაცვის მინისტრის მოადგილემ.
წოწკოლაურის პასუხად, ოპოზიციონერი დეპუტატი ზურაბ ჭიაბერაშვილი დაინტერესდა, რა უშლიდა მთავრობას ხელს, გრიპის ვაქცინა აპრილ-მაისში დაერეზერვებინა, მით უფრო იმ ფონზე, როცა ცნობილი იყო, რომ კოვიდ 19-თან ბრძოლაში საკვანძო გრიპის სეზონისათვის მომზდება იყო.
“ვის შეიძლება 300 ათასი ვაქცინა ეყოს, როცა რისკ ჯგუფიდან მხოლოდ პენსიონერი 800 ათასზე მეტია?! - განაცხადა ზურაბ ჭიაბერაშვილმა.