ირაკლი კობახიძე - გამოვირჩევით იმით, რომ ამ საპარლამენტო არჩევნებში, ყველასგან გამორჩეული გუნდით ვართ წარმოდგენილნი

გამოვირჩევით იმით, რომ ამ საპარლამენტო არჩევნებში, ყველასგან გამორჩეული გუნდით ვართ წარმოდგენილნი,- ამის შესახებ "ქართული ოცნება - დემოკრატიული საქართველოს“ აღმასრულებელმა მდივანმა, ირაკლი კობახიძემ ცაგერში, მაჟორიტარი დეპუტატობის კანდიდატის, გოჩა ენუქიძის წარდგენაზე სიტყვით გამოსვლისას განაცხადა.

„გზად ერთმანეთს ვუზიარებდით შთაბეჭდილებებს, თუ რა ლამაზია ლეჩხუმი, რა ლამაზია ამ ულამაზესი რეგიონის თითოეული კუთხე. ამ სილამაზეს ბუნებრივია სჭირდება შენარჩუნება, გაფრთხილება და კიდევ უფრო მეტად განვითარება. ყველამ ძალიან კარგად იცის, რომ მაღალმთიან რეგიონებს სჭირდებათ განსაკუთრებული ყურადღება სახელმწიფოს მხრიდან, განსაკუთრებული ყურადღება ცენტრალური ხელისუფლების მხრიდან და ამის გამოხატულება იყო სწორედ „ქართული ოცნების“ ხელისუფლების მიერ მთის შესახებ კანონის მიღება. ამ კანონს ჰყავს უამრავი თანაავტორი, მათ შორის ჩვენი დეპუტატობის კანდიდატი გოჩა ენუქიძე. მთის შესახებ კანონმა ძალიან ბევრი რამ მოიტანა - გააუმჯობესა ჩვენი მოქალაქეების სოციალური მდგომარეობა, ხელი შეუწყო რეგიონის განვითარებას, თუმცა ისიც გვესმის, რომ ესეც არ არის საკმარისი - კიდევ ძალიან ბევრი რამ გასაკეთებელია იმისათვის, რომ კიდევ ურო მეტად განვითარდეს ეს ლამაზი რეგიონი და ბუნებრივია, მომდევნო ოთხი წლის განმავლობაში ყველამ ერთად ამაზე უნდა ვიზრუნოთ. ჩვენ ყველასგან გამოგვარჩევს ის, რომ გვაქვს ძალიან კარგად გაწერილი საარჩევნო პროგრამა, სადაც ასახულია ქვეყნის და თითოეული რეგიონის განვითარების კონკრეტული ხედვა. ზუსტად გვაქვს დანახული ის, თუ რა სჭირდება თითოეულ რეგიონს, მუნიციპალიტეტს და შესაბამისად, რა ნაბიჯები უნდა გადაიდგას ხელისუფლების მხრიდან. გამოვირჩევით იმით, რომ ამ საპარლამენტო არჩევნებში, ყველასგან გამორჩეული გუნდით ვართ წარმოდგენილნი. ჩვენ წარვადგინეთ საპარლამენტო სია, რომლის პირველი ნომერი, ლიდერი გახლავთ გიორგი გახარია, ქვეყნის პრემიერ - მინისტრი. სიაში არიან როგორც გუნდის გამოცდილი წევრები, ისე ახალი სახეები და ეს გუნდი სამთავრობო გუნდი, საპარლამენტო გუნდი იქნება გარანტი იმისა, რომ ჩვენს მიერ დასახული გეგმები აუცილებლად აღსრულდება და ეს იქნება თავის მხრივ იმის წინაპირობა, რომ განვითარდება თითოეული რეგიონი და განვითარდება რა თქმა უნდა ცაგერის მუნიციპალიტეტი. ამ გუნდის ძალიან ღირსეული წევრი არის და იქნება გოჩა ენუქიძე. მას ბევრი რამ აქვს გაკეთებული გასული წლების განმავლობაში და დარწმუნებული ვარ, რომ მომდევნო ოთხი წლის განმავლობაშიც ძალიან ბევრ რამეს გაუკეთებს ამ რეგიონს",-აღნიშნა კობახიძემ.

აღნიშნულ ინფორმაციას "ქართული ოცნება - დემოკრატიული საქართველოს“ პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა