კელი დეგნანი - ვიცით, რომ საზღვრის სადემარკაციო კომისიის მუშაობა მიმდინარეობს წლების განმავლობაში და იმედი გვაქვს, რომ გამოძიება იქნება გამჭვირვალე და სამართლიანი

ვიცით, რომ საზღვრის სადემარკაციო კომისიის მუშაობა მიმდინარეობს წლების განმავლობაში და ჩვენ იმედი გვაქვს, რომ გამოძიება იქნება გამჭვირვალე და სამართლიანი, - ამის შესახებ საქართველოში აშშ-ის ელჩმა კელი დეგნანმა დავით გარეჯის საქმის შესახებ საუბრისას ჟურნალისტებთან განაცხადა.

ელჩმა აღნიშნა, რომ ამ საკითხზე მიმდინარეობს გამოძიება, შესაბამისად, მისი მხრიდან არ იქნება მართებული, დეტალურად რაიმე სახის განცხადება გააკეთოს.

„ეს არის ძალიან სერიოზული და მნიშვნელოვანი საკითხი. მიმდინარეობს გამოძიება, შესაბამისად ჩემი მხრიდან არ იქნება მართებული, რომ დეტალურად რაიმე სახის განცხადება გავაკეთო ამ საკითხთან დაკავშირებით.

ვიცით, რომ საზღვრის სადერმაკაციო კომისიის მუშაობა მიმდინარეობდა წლების განმავლობაში და ჩვენ იმედი გვაქვს, რომ გამოძიება იქნება გამჭვირვალე და სამართლიანი ამ საკითხთან დაკავშირებით", - განაცხადა ელჩმა.

ცნობისთვის, საქართველოს ტერიტორიების საწინააღმდეგოდ ჩადენილ ქმედებებში ბრალდებულებს, ივერი მელაშვილსა და ნატალია ილიჩოვას აღკვეთის ღონისძიების სახით გუშინ პატიმრობა შეეფარდათ.

საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს