ამირან გამყრელიძე - ამ 8 თვის განმავლობაში ბევრი ვისწავლეთ და არ მგონია, იტალიის სცენარის განმეორება საქართველოში რეალობასთან ახლოს იყოს

იტალიის სცენარის განმეორება საქართველოში არ მგონია, რომ რეალობასთან ახლოს იყოს,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

კითხვაზე, შესაძლოა თუ არა საქართველოში იტალიის სცენარი განმეორდეს, როდესაც ისინი ინფიცირების მაღალი რაოდენობის გამო, არჩევანის წინაშე დადგნენ, ვინ შეეერთებინათ სასუნთქ აპარატზე და ვინ არა, ამირან გამყრელიძე აცხადებს, რომ მსგავსი რამ მოსალოდნელი არაა.

„იცით, რომ გადასული ვართ მოდელზე, როდესაც ყველას არ სჭირდება ჰოსპიტალური მკურნალობა და მკურნალობას გადიან ბინაზე ან ე.წ. კოვიდ სასტუმროებში. ჩვენ, ისევე როგორც მსოფლიომ, ამ რვა თვის განმავლობაში ბევრი ვისწავლეთ და არ მგონია, იტალიის სცენარის განმეორება საქართველოში რეალობასთან ახლოს იყოს. ყოველ შემთხვევაში სახელმწიფო, ექიმები ყველაფერს გავაკეთებთ, რომ მსგავსი რამ ქვეყანაში არ მოხდეს“,-აღნიშნა ამირან გამყრელიძემ.

თავის მხრივ, დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა აღნიშნა, რომ თუ ვირუსის გავრცელება არსებული ტემპით გაგრძელდება, ჯანდაცვის სისტემა დაწოლას გაუძლებს. მან ასევე მოქალაქეების პასუხისმგებლობას გაუსვა ხაზი.

„გვახსოვდეს, რომ ეს მხოლოდ სახელმწიფოს პრეროგატივა არაა. ეს ამ ქვეყნის მოქალაქეების საქმეა. ჩვენ უნდა შევუშალოთ ხელი ვირუსის სწრაფ გავრცელებას და რაც უფრო კარგად გავაკეთებთ ამას, მით უფრო ნაკლებად გვექნება მოლოდინი, რომ იტალიური სცენარი განმეორდება“,-აღნიშნა ზახაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება