ლევან კობერიძე - მთავრობა მსესხებლების საშეღავათო პერიოდს აღარ ითვალისწინებს, თანხა ბიუჯეტში არ არის გაწერილი

„ლელოს” ვაკის მაჟორიტარი დეპუტატობის კანდიდატმა, ლევან კობერიძემ, დარგობრივი ეკონომიკისა და ეკონომიკური კომიტეტის სხდომაზე ბანკების მიერ ინიცირებული სამთვიანი საშეღავათო პერიოდის დასრულებაზე ისაუბრა და ფინანსთა მინისტრის მოადგილეს, გიორგი კაკაურიძეს კითხვით მიმართა, რის გაკეთებას აპირებს მთავრობა მსესხებლებთან მიმართებაში.

კობერიძემ სხდომაზე ისიც განაცხადა, რომ შესაძლებელი იყო, პარტია “ლელოს” მიერ შეთავაზებული გეგმა ცენტრალურ ბანკს, მთავრობასა და ფინანსურ ინსტიტუციებს განეხორციელებინათ, მაგრამ ხელისუფლება ოპოზიციის შეთავაზებაზე არ რეაგირებს.

„დამთავრდა 3 თვიანი პერიოდი, როდესაც ბანკებმა გამოაცხადეს საშეღავათო პერიოდი. დღეს კოვიდ 19 საქართველოში არათუ დაღმავალი, არამედ აღმავალია და ძალიან მწვავდება. ადამიანებს კიდევ და კიდევ გაუჭირდებათ და ამ დროს მათთვის აუცილებელია გარკვეული შეღავათების გაწევა. “ლელომ” შესთავაზა ცენტრალურ ბანკს მთავრობას, ფინანსურ ინსტიტუციებს შეხვედრა. მისი ინიციატივა იყო, მცირე და მსხვილ ბიზნესებსაც დაწესებოდა საშეღავათო პერიოდი, 6 თვის ან 1 წლის განმავლობაში გარკვეული საგარანტიო მექანიზმის ამოქმედება. მსგავსი რამ გააკეთა პორტუგალიამ, მაგალითად 10 მილიარდი ევრო გამოყო ბიუჯეტიდან და გადაავადა მთლიანი ვალდებულებები როგორც მოსახლეობის, ისე ბიზნესის - სწორედ საგარანტიო სქემის საშუალებით. რატომ არ აკეთებთ ამას საქართველოს ხელისუფლება?”, - განაცხადა კობერიძემ.

მისივე თქმით, ბიუჯეტში ეს ხარჯი არ არის გათვალისწინებული, სახელმწიფო კი ხელს უწყობს, მოსახლეობა ვალში გადავარდეს.

აღნიშნულ ინფორმაციას „ლელოს“ პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა