ნიკა მელია - დარწმუნებული ვარ, 22 დღეში გლდანის რაიონი უდიდეს წვლილს შეიტანს ამ ქვეყნის გამარჯვებაში

დარწმუნებული ვარ, 22 დღეში გლდანის რაიონი უდიდეს წვლილს შეიტანს ამ ქვეყნის გამარჯვებაში,- ამის შესახებ „ნაციონალური მოძრაობის“ ერთ-ერთმა ლიდერმა, გლდანის მაჟორიტარი დეპუტატობის კანდიდატმა ნიკა მელიამ გლდანში, ამომრჩეველთან შეხვედრაზე განაცხადა, სადაც მისი, როგორც გაერთიანებული ოპოზიციის მაჟორიტარობის კანდიდატის წარდგენა გაიმართა. შეხვედრას ოპოზიციური პარტიების ლიდერები დაესწრნენ.

ნიკა მელიამ, ოპოზიციური პარტიების ლიდერებს მადლობა გადაუხადა და აღნიშნა, რომ საზოგადოების დაკვეთა ერთობაა.

„როგორც არასდროს, ამაყი ვარ, გული სავსე მაქვს სიამაყით. ამაყი ვარ იმიტომ, რომ ბევრი თქვენგანისთვის აქ ყოფნა ბევრი მიზეზის გამო არ იყო მარტივი. ბევრ ჩვენგანს დღეს, აქ არც ერთი რომელიმე ცალკე აღებული პარტია გვაერთიანებს, არც საერთო პოლიტიკური შეხედულება, მაგრამ გვაერთიანებს მთავარი, ამ ქვეყნის უკეთესი მომავალი და წინსვლა. მადლობა მათ, ვინც განსხვავებული პოლიტიკური შეხედულებების მიუხედავად აქ შევიკრიბეთ. რომ არა დიდი მიზანი - ქვეყნის გამარჯვება, ეს თავყრილობა არ შედგებოდა, განსაკუთრებით მაშინ, როდესაც ყველა ჩვენგანი ეროვნულ საარჩევნო კამპანიაში ვართ ჩართულები და ერთმანეთის კონკურენტები ვართ, ჩვენ დავდექით ერთად გლდანის რაიონში, იმიტომ, რომ ეს ხალხის დაკვეთაა. ხალხმა დაგვიკვეთა ერთობა, იყავით ერთ მუშტად შეკრულები, კი ბატონო, იდებატეთ, იკამათეთ სხვადასხვა შეხედულებაზე, მაგრამ ამ ქვეყანას განვითარების შანსი შეუნარჩუნეთ.

დარწმუნებული ვარ, 22 დღეში გლდანის რაიონი უდიდეს წვლილს შეიტანს ამ ქვეყნის გამარჯვებაში. მუხიანელები, ავჭალელები და გლდანელები ერთად იტყვიან გადამწყვეტ სიტყვას", - განაცხადა მელიამ.

ამასთან, ნიკა მელიას თქმით, საქართველო უიმედობას და უპერსპექტივობას არასდროს გაუსწორებს თვალს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)