ირანი მთიან ყარაბაღში საბრძოლო მოქმედებების შეწყვეტას მიესალმება და მშვიდობისკენ წინგადადგმულ ნაბიჯად აფასებს, - ამის შესახებ ირანის საგარეო საქმეთა მინისტრი მუჰამედ ჯავად ზარიფი სოციალურ ქსელ „ტვიტერში“ წერს.
„ირანი მიესალმება მთიან ყარაბაღში საბრძოლო მოქმედებების შეწყვეტას, როგორც მშვიდობისკენ წინგადადგმულ ნაბიჯს. ჩვენს მეზობლებს, აზერბაიჯანსა და სომხეთს, საერთაშორისო სამართალსა და ტერიტორიულ მთლიანობაზე დაფუძნებულ არსებით დიალოგში ჩართვისკენ მოვუწოდებთ,“ წერს მუჰამედ ჯავად ზარიფი.
მისივე თქმით, ირანი აფასებს „რუსი მეგობრების კონსტრუქციულ მცდელობებს“.
შეგახსენებთ, მთიანი ყარაბაღის კონფლიქტის ზონაში ცეცხლის შეწყვეტის რეჟიმი ძალაში დღეს, 12 საათიდან შევიდა. აზერბაიჯანი და სომხეთი მთიან ყარაბაღში ცეცხლის შეწყვეტასა და არსებითი მოლაპარაკებების დაწყებაზე მოსკოვში რუსეთის, აზერბაიჯანისა და სომხეთის საგარეო საქმეთა მინისტრებს შორის გამართული შეხვედრის შემდეგ შეთანხდნენ, რომელიც 9 სექტემბერს საღამოს დაიწყო და 10 საათზე მეტხანს გაგრძელდა.