ოთარ კახიძე - აფგან მუხთარლის არშემოშვება უთავმოყვარეო ზეიმის გაგრძელებაა

“ევროპული საქართველოს“ ქუთაისის მაჟორიტარობის კანდიდატი ოთარ კახიძე, აზერბაიჯანელი ჟურნალისტის, აფგან მუხთარლის საქართველოში არ შემოშვებას ეხმაურება. კახიძის თქმით, აფგან მუხთარლი ხელისუფლების უშუალო ჩართულობით გაიტაცეს თბილისის ცენტრიდან, რის შემდეგადაც გააქრეს მტკიცებულებები, რომლებიც მის გატაცებას ამტკიცებდა.

„აფგან მუხთარლი საქართველოს ხელისუფლების უშუალო ჩართულობით გაიტაცეს თბილისის ცენტრიდან, შემდგომ გაანადგურეს მტკიცებულებები, რომლებიც ადასტურებდა მის გატაცებას და არ შექმნეს საგამოძიებო კომისია, რომელსაც ჩვენ ვითხოვდით. რა თქმა უნდა, მისი არშემოშვებაც იგივე ხაზის გაგრძელებაა, მაგრამ მე მინდა ვუთხრა მთელ საზოგადოებას, რომ ივანიშვილის ხელისუფლების დასრულების შემდგომ, 31 ოქტომბრის მერე, ყველა ამ ბურუსით მოცულ საქმეს ნათელი მოეფინება, როდესაც ობიექტური გამოძიება ნათელ სურათს დაადგენს. მანამდე კი, ასეთ უთავმოყვარეო ზეიმში არის ჩვენი ქვეყანა, როდესაც ჟურნალისტებს დედაქალაქის ცენტრიდან იტაცებენ და საზღვარზე გადაყავთ ტომარაჩამოცმული, ეს ყველაფერი ცვლილებებთან ერთად დასრულდება“, -აცხადებს კახიძე, რომლის კომენტარსაც პარტიის პრესსამსახური ავრცელებს.

ცნობისთვის, აზერბაიჯანელი ჟურნალისტი აფგან მუხთარლი გერმანიიდან საქართველოში გამომგზავრებას აპირებდა, თუმცა მას ამის უფლება არ მიეცა. ავიაკომპანია „ჯორჯიან ეარვეისმა“ განმარტა, რატომ ეთქვა უარი აფგან მუხთარლის გერმანიიდან საქართველოში ტრანსპორტირებაზე. როგორც ავიაკომპანიის მიერ გავრცელებულ განცხადებაშია ნათქვამი, საქართველოში მოქმედებს სპეციალური რეგულაცია, რომელიც ადგენს იმ ქვეყანათა ნუსხას, რომელთა მოქალაქეები და მუდმივი ცხოვრების უფლების მქონე პირები დაუბრკოლებლად შემოდიან საქართველოში. განცხადებაში აღნიშნულია, რომ აზერბაიჯანი არ შედის ამ ე.წ. „მწვანე ზონის ქვეყნების” ჩამონათვალში, შესაბამისად, ავიაკომპანია „აირზენა“ ვერ გაუწევდა მომსახურებას აზერბაიჯანის მოქალაქეს.

იხილეთ ვიდეო: ოთარ კახიძე აზერბაიჯანელი ჟურნალისტის, აფგან მუხთარლის საქართველოში არ შემოშვებას ეხმაურება

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს