ჩრდილოეთ კორეაში ქვეყნის მმართველი „შრომის პარტიის“ დაარსების 75 წლისთავის აღსანიშნავად სამხედო აღლუმი ჩატარდა, - ამის შესახებ ინფორმაციას Reuters-ი ავრცელებს. სააგენტოს ინფორმაციით, ჩრდილოეთ კორეის ლიდერმა, კიმ ჩენ ინმა სამხედროებს სიტყით მიმართა და „კატასტროფების მიმართ რეაგირებისა და კორონავირუსის გავრცელების პრევენციის მიზნით გაწეული მძიმე შრომისთვის“ მადლობა გადაუხადა.
მან ორი კორეის ურთიერთობაზეც ისაუბრა და იმედი გამოთქვა, რომ კორონავირუსის კრიზისის დამთავრების შემდეგ „ჩრდილოეთი და სამხრეთი კვლავ ჩაკიდებენ ერთმანეთს ხელებს.“
ჩრდილოეთ კორეის სახელმწიფო ტელევიზიამ აღლუმის კადრები მოგვიანებით გაავრცელა.