„ევროპული საქართველოს“ ქუთაისის მაჟორიტარობის კანდიდატი ოთარ კახიძე Survation-ის კვლევას ეხმაურება და აცხადებს, რომ ამ კვლევის შედეგებზე სერიოზულად საუბარი შეუძლებელია. მისივე თქმით, აღნიშნულ კვლევაში, ისიც კი არ არის დაზუსტებული, თუ რამდენია გადაუწყვეტელი ამომრჩეველი.

"4 წლის წინ აიღო "ქართულმა ოცნებამ" 48%, ამიტომ ამაზე საუბარი სერიოზულად შეუძლებელია. რა თქმა უნდა, არსებობს უამრავი სხვა კვლევები, მაგალითად IRI და NDI, რომელსაც სრული სანდოობა აქვს. "რუსთავი 2-ის" კვლევაში კი, ისიც კი არ არის დაზუსტებული თუ რამდენია გადაუწყვეტელი ამომრჩეველი”, - განაცხადა ოთარ კახიძემ, რომლის კომენტარსაც პარტიის პრესსამსახური ავრცელებს.