ყირგიზეთის პარლამენტის სპიკერი მიკტიბეკ აბდილდაევი თანამდებობას ტოვებს, - ამის შესახებ ინფორმაციას Reuters-ი ავრცელებს. სააგენტოს ცნობით, მიკტიბეკ აბდილდაევმა საკანონმდებლო ორგანოს დღეს გამართულ სხდომაზე განაცხადა, რომ ერთ კვირაზე ნაკლებ დროში გადადგება.
ცნობისათვის, ყირგიზეთის პარლამენტი დღეს ახალი მთავრობის დასანიშნად შეიკრიბა. მანამდე ცნობილი გახდა, რომ ყირგიზეთის პრეზიდენტმა სოორონბაი ჟეენბეკოვმა თანამდებობიდან გაათავისუფლა ქვეყნის უშიშროების საბჭოს მდივანი დამირ საგინბაევი და მისი მოადგილე ომურბეკ სუვანალიევი.