"ევროპული საქართველოს“ ახალგაზრდული ორგანიზაციის წევრებმა მთავრობის ადმინისტრაციასთან აქცია-პერფორმანსი გამართეს.
აქციის მონაწილეები ლარის გაუფასურებას აპროტესტებდნენ, რომელიც მათი განცხადებით ,,ქართული ოცნების" მმართველობის პერიოდში 60%-ით გაუფასურდა. აქტივისტებმა მთავრობის ადმინისტრაციასთან პერფორმანსის სახით, ლარზე გამოსახული ბიძინა ივანიშვილის კუპიურები მიიტანეს.
,,დღეს კანცელარიასთან მოვედით იმის საჩვენებლად, რომ გვყავს სრულიად ჩაფლავებული ხელისუფლება, რომელმაც ვერცერთ გამოწვევას ვერ გაუძლო და ყველა მეტად მათი ჩაფლავება ჩანს ლარის კურსში, რომელიც მათი მმართველობის პერიოდში არის გაუფასურებული 60%-ით. ისინი თავიანთი თავის გარდა ყველას და ყველაფერს აბრალებენ ამ პრობლემას. მთავრობის დამსახურებით არის ლარი ამ მდგომარეობაში, თუმცა მათ ბიძინა ივანიშვილის გარდა არაფერი აინტერესებთ და ამის სადემონსტრაციოდ მოვიტანეთ ძვირფასი კუპიურები ბიძინა ივანიშვილის გამოსახულებით მთავრობის კანცელარიასთან“, - აღნიშნა „ევროპული საქართველოს“ ახალგაზრდული ორგანიზაციის სპიკერმა თათია ვახტანგაძემ.