გიორგი ვაშაძე - გპირდებით, რომ გლეხის შრომა დაფასდება და 31 ოქტომბერს მათი ხმა გაიმარჯვებს

,,სტრატეგია აღმაშენებლის" ლიდერის, გიორგი ვაშაძის განცხადებით, სოფლებში საშინელი სიღარიბეა და გლეხის შრომა არ ფასდება.

მისივე თქმით, პარტნიორმა საერთაშორისო ორგანიზაციებმა დასახმარებლად მილიარდები გამოყვეს თუმცა, გლეხამდე ერთი თეთრიც არ მისულა.

,,სტრატეგია აღმაშენებლის“ პრემიერობის კანდიდატი აქცენტს კახელი გლეხების ძირითად შემოსავალზეც აკეთებს და ყურძნის დაბალ ფასზე მიანიშნებს, რის გამოც „გლეხი უბრალოდ აღარ იღებს მოსავალს, რადგან მათთვის აზრი აღარ აქვს“.

ვაშაძის თქმით, ეს უმოქმედობა უნდა დასრულდეს და 31 ოქტომბერს ხალხის ხმამ უნდა გაიმარჯვოს.

,,საშინელი შიმშილი და სიღარიბეა ქვეყანაში, განსაკუთრებით სოფლად, სიღარიბე იგრძნობა ხალხში, გლეხის შრომა არ ფასდება. მილიარდები გამოიყო პარტნიორი ორგანიზაციებიდან მათ დასახმარებლად და გლეხამდე თეთრიც არ მისულა. ყურძნის ფასი 80 თეთრია და გლეხები უბრალოდ, აღარ კრეფენ მოსავალს, რადგან აზრი აღარ აქვს. 80 თეთრად ოჯახში რაღაცა ხომ უნდა მიიტანოს. ჩვენი პირობაა, რომ გლეხის შრომა დაფასდება, აი ეს უნდა გავაკეთოთ. დღე და ღამე მუშაობენ, საკუთარი ხელებით შრომობენ, დიდი სურვილი აქვთ მოსავალი მიიღონ და ოჯახი ამით არჩინონ, რათა შიმშილის პრობლემა არ ჰქონდეს ზამთარში, მაგრამ უმოქმედოდ არიან, ზამთარი როგორ უნდა გადაიტანოს ამ ხალხმა? დარწმუნებული ვარ, 31 ოქტომბერს ხალხის ხმა გაიმარჯვებს და ეს სიღარიბე დასრულდება !", - განაცხადა გიორგი ვაშაძემ, რომლის კომენტარს „სტრატეგია აღმაშენებლის“ პრესსამსახური ავრცელებს.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს