ანა ნაცვლიშვილი - "ოცნება" გარეჯის თემით საარჩევნოდ მანიპულირებს ქვეყნის ყველაზე მგრძნობიარე სიმებზე და რუსეთის წისქვილზე ასხამს წყალს

"ლელოს" ქუთაისის მაჟორიტარი დეპუტატობის კანდიდატი ანა ნაცვლიშვილი დავით გარეჯის ირგვლივ განვითარებულ მოვლენებზე საუბრობს და აცხადებს, რომ "ქართული ოცნება" საარჩევნოდ მანიპულირებს ქვეყნის ყველაზე მგრძნობიარე სიმებზე და გარეჯს პარტიული ინტერესისთვის იყენებს. ამის შესახებ "ინტერპრესნიუსს" "ლელოდან" აცნობეს.

ნაცვლიშვილის თქმით, ამ საკითხს მმართველი გუნდი საქართველოს ოკუპანტის ინტერესებისთვის იყენებს.

"დავით გარეჯის საკითხი როგორც იქნა წამოწეული, ამაში იგრძნობოდა მანიპულაციური მიდგომა "ქართული ოცნების" მხრიდან. როდესაც ბოლო პერიოდში, რეგიონში მიმდინარე მოვლენების პარალელურად, ამ თემაზე ასეთი სახით ხდება პედალირება, ეს აჩვენებს, რომ "რუსული ოცნების" მიზანია, მოემსახუროს არა საქართველოს ინტერესებს, არამედ რუსეთს. დავით გარეჯი საქართველოა - ეს ჩვენთვის ძალიან ძვირფასი და ფაქიზი თემაა, მაგრამ ისე, როგორც ამ საკითხს უდგება "ქართული ოცნება", ეს საქართველოს სახელმწიფო ინტერესს წინ კი არ წასწევს, არამედ მხოლოდ რუსულ წისქვილზე დაასხამს წყალს. ბოლო მოვლენები, როდესაც აშკარად გამოიკვეთა კონკრეტული ინდივიდების რუსეთთან კავშირი, არის ამის ნათელი დადასტურება", - აცხადებს ნაცვლიშვილი.

როგორც ნაცვლიშვილი ამბობს, ამ საქმეზე დაკავებული ადამიანები უკანონო პატიმრები არიან და პოლიტიკურ თამაშს ეწირებიან.

"ლელოს" ქუთაისის მაჟორიტარი დეპუტატობის კანდიდატის განცხადებით, დავით გარეჯი არის საქართველო და ის ბევრად უფრო ძვირფასია, ვიდრე რომელიმე პარტია, ან არჩევნები. ამიტომ ნაცვლიშვილი "ქართულ ოცნებას" "გონს მოსვლისკენ" მოუწოდებს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს