ჩინეთის ქალაქ ცინდაოში კორონავირუსზე ტესტს 5 დღის განმავლობაში მთელს მოსახლეობას ჩაუტარებენ, - ამის შესახებ ინფორმაციას BBC-ი ავრცელებს.
გამოცემის ცნობით, ქალაქის ადგილობრივმა მთავრობამ აღნიშნული გადაწყვეტილება მას შემდეგ მიიღო, რაც იქ კორონავირუსის ახალი შემთხვევები დადასტურდა.
კერძოდ, ცინდაოს ჯანდაცვის მუნიციპალური კომისიის ინფორმაციით, ქალაქში კორონავირუსის 6 სიმპტომური და 6 ასიმპტომური ახალი შემთხვევა გამოვლინდა.
ცნობისათვის, ქალაქ ცინდაოში 9 მილიონამდე ადამიანი ცხოვრობს.
შეგახსენებთ, მაისში, ჩინეთის ხელისუფლებამ კორონავირუსზე ტესტი 11-მილიონიან ქალაქ უხანის ყველა მცხოვრებს ჩაუტარა.