ამირან გამყრელიძის განცხადებით, ბაღებსა და სხვა დაწესებულებებში სკოლების მსგავსი მიდგომა იქნება, სადაც საჭიროების შემთხვევაში წერტილოვანი შეზღუდვები წესდება

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ბაღებსა და სხვა დაწესებულებებში სკოლების მსგავსი მიდგომა იქნება, სადაც საჭიროების შემთხვევაში წერტილოვანი შეზღუდვები წესდება.

ამასთან, როგორც გამყრელიძემ მთავრობის ადმინისტრაციაში გამართულ ბრიფინგზე განაცხადა, ვირუსთან თანაცხოვრებას უნდა მივეჩიოთ, რაც ჯანდაცვის სექტორის მზაობასა და არსებული წესების დაცვით ეკონომიკის გახსნას გულისხმობს.

„ძლიერ „ლოკდაუნებს“ და მკაცრ ღონისძებებზე ნაკლებად მიდიან ქვეყნები, უფრო საუბარია წერტილოვან შეზღუდვებზე. მაგალითად, როდესაც გვაქვს სკოლაში ინფიცირების შემთხვევა, არ იკეტება სკოლა, თუ საჭიროა, იკეტება კლასი, ხდება ბავშვების თვითიზოლაციაში გადასვლა, ასევე მასწავლებელი გადადის თვითიზოლაციაში და შემდეგ 12 დღის განმავლობაში ხდება მათი დაკვირვება. ასე იქნება ბაღებთან და სხვა დაწესებულებებთან მიმართებით იმიტომ, რომ პანდემია არ დასრულდება კიდევ კარგა ხანს და ჩვენ უნდა მივეჩვიოთ ამ ვირუსთან ერთად თანაცხოვრებას, რაც ნიშნავს ერთი მხრივ ჯანდაცვის სექტორის სრულ მზადყოფნას იმისთვის, რომ ახალი შემთხვევები მართოს. მართვა უნდა იყოს ძირითადად პირველადი ჯანდაცვის დონეზე, მეორე მხრივ ნიშნავს ეკონომიკის გახსნას და ნორმალური ცხოვრებისკენ დაბრუნებას, თუმცა ყველა იმ წესის დაცვით, რასაც ჯანდაცვის სექტორი აცხადებს. პირველ რიგში ესაა პირბადე.

დიდ ქალაქებში, სადაც დიდი თავშეყრის ადგილები გვაქვს, რეკომენდირებულია, გარდა დახურული შენობებისა გარეთ, სადაც დისტანციას ვერ ვიცავთ, ვატაროთ პირბადე. იმიტომ, რომ პირბადეზე უკეთესი დამცავი საშუალება პანდემიის პირობებში არ აღმოჩენილა“,- განაცხადა გამყრელიძემ.

იხილეთ ვიდეო: ამირან გამყრელიძის განცხადებით, ბაღებსა და სხვა დაწესებულებებში სკოლების მსგავსი მიდგომა იქნება

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები