ყირგიზეთის პრეზიდენტმა სოორონბაი ჟეენბეკოვმა ქვეყნის დედაქალაქში გამოცხადებული საგანგებო მდგომარეობა განაახლა.

Reuters-ის ინფორმაციით, პრეზიდენტის ადმინისტრაციაში აცხადებენ, რომ ალმაზბეკ ოროზალიევმა, რომელიც ბიშკეკის კომენდანტად დაინიშნა, პრეზდენტს საგანგებო მდგომარების 21 ოქტომბრის შემდეგ გახანგრძლივება სთხოვა.

შეგახსენებთ, ყირგიზეთში საპროტესტო აქციები 4 ოქტომბრის საპარლამენტო არჩევნების შემდეგ დაიწყო. ოპოზიციის მხარდამჭერებმა, რომლებიც საპარლამენტო არჩევნების ოფიციალურ შედეგებს აპროტესტებდნენ, სამთავრობო შენობები დაიკავეს. ქვეყნის ცენტრალურმა საარჩევნო კომისიამ არჩევნების შედეგები გააუქმა. 9 ოქტომბერს პრეზიდენტმა სოორონბაი ჟეენბეკოვმა ხელი მოაწერა ბრძანებულებას პრემიერ-მინისტრს კუბატბეკ ბორონოვის მთავრობის გადადგომის შესახებ და განაცხადა, რომ მზადაა, ახალი მთავრობის დამტკიცებისთანავე გადადგეს. იმავე დღეს პრეზიდენტმა ქვეყანაში, 21 ოქტომბრამდე, საგანგებო მდგომარეობა გამოაცხადა და დედაქალაქში ჯარის განლაგების განკარგულება გასცა.