ერევანი დაჟინებით მოითხოვს, შეიქმნას სავერიფიკაციო მექანიზმები მთიან ყარაბაღში ცეცხლის შეწყვეტის რეჟიმის დასაცავად. ამის შესახებ სომხეთის საგარეო საქმეთა მინისტრმა ზოგრაბ მნაცაკანიანმა განაცხადა, რომელიც მოსკოვში რუს კოლეგა სერგეი ლავროვს შეხვდა.

„კვლავაც მოდის ინფორმაცია, რომ აზერბაიჯანი არ ასრულებს ვალდებულებას ცეცხლის შეწყვეტის შესახებ და ამასთან დაკავშირებით, მინდა ხაზგასმით აღვნიშნო, რომ აუცილებელია სავერიფიკაციო მექანიზმების შემოღება, რომელიც საშუალებას მოგვცემს მივაღწიოთ ამ რეჟიმის დაცვას“, - განაცხადა მნაცაკანიანმა.

მისივე თქმით, კონფლიქტის ზონაში არსებული ვითარება მთელი რეგიონისთვის შესაძლოა სახიფათო გახდეს.