მამუკა მდინარაძის განცხადებით, 2015 წელს ირაკლი ღარიბაშვილთან სასულიერო პირმა ნამდვილად მიიტანა რუკა, თუმცა ის ავთენტური არ იყო და მტკიცებულებად ვერ გამოდგებოდა

საპარლამენტო უმრავლესობის ლიდერის მამუკა მდინარაძის განცხადებით, 2015 წელს ირაკლი ღარიბაშვილთან სასულიერო პირმა ნამდვილად მიიტანა რუკა, თუმცა ის ავთენტური არ იყო და მტკიცებულებად ვერ გამოდგებოდა.

მისივე თქმით, დავით გარეჯის საქმე ეროვნული საკითხია და თითოეულ სიტყვას უნდა დავუკვირდეთ.

„ქართულ ეროვნულ ინტერესზე, მის სიწმინდეზეა საუბარი. დავით გარეჯის საქმე ისეთია, რომ დღეს და ხვალ კი არა, 20 წელიც რომ გავა, ყველა ჩვენს სიტყვაზე თითოეულ ჩვენგანს ჟურნალისტს, პოლიტიკოსს, მოქალაქეს ქართული საზოგადოება პასუხს მოგვთხოვს, იმდენად სენსიტიური და ეროვნული საკითხია. მე მოვიძიე ინფორმაცია და ირაკლი ღარიბაშვილთან 2015 წელს სასულიერო პირმა მიიტანა რუკა, რომელიც არ იყო ავთენტური და ორიგინალი და ვერ იქნებოდა გამოყენებული მტკიცებულებად. მაგრამ ამ ინფორმაციის მიღებამ გაამძაფრა იმის სურვილი და ინტერესი, მათ შორის ღარიბაშვილის მხრიდან, რომ რადგან ასეთი შეკოწიწებული რუკა არსებობს და რადგან ეს ინფორმაცია გვაქვს, შესაბამისად უნდა არსებობდეს ორიგინალი და ავთენტური რუკებიც“, - განაცხადა მამუკა მდინარაძემ.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

ივერი მელაშვილსა და ნატალია ილიჩოვას ბრალი სისხლის სამართლის კოდექსის 308-ე მუხლის პირველი ნაწილით აქვთ წარდგენილი, რაც უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელებას გუსლიხმობს. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

იხილეთ ვიდეო: მამუკა მდინარაძე - 2015 წელს ირაკლი ღარიბაშვილთან არქიმანდრიტმა მიიტანა რუკა, თუმცა, ის ავთენტური არ იყო და მტკიცებულებად ვერ გამოდგებოდა

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს