გიორგი გახარია - ყველანაირი გართულებების და პროვოკაციების გარეშე, 31 ოქტომბერს მივიდეთ და ღირსეულად გავიმარჯვოთ

პრემიერ-მინისტრ გიორგი გახარიას განცხადებით, „ქართული ოცნება“ არ არის ის ძალა, რომელიც წინასაარჩევნოდ პოპულისტურ დაპირებას გასცემს. როგორც მან ახალციხეში, ადიგენში, ბორჯომსა და ასპინძაში „ქართული ოცნების“ მაჟორიტარი დეპუტატობის კანდიდატის, ანტონ ობოლაშვილის წარდგენისას განაცხადა, ხელისუფლება ყოველთვის აკეთებს იმას, რასაც საკუთარ მოსახლეობას ჰპირდება.

„ყველას კარგად გვესმის, რომ დღეს მსოფლიოში გლობალური გამოწვევები, გლობალური კრიზისია. ბევრი პროცესი გაჩერდა ტურიზმის მიმართულებით, ეკონომიკური კრიზისი რეალობაა, სამუშაო ადგილებს ჩვენც ვკარგავთ და მსოფლიოში ბევრი ქვეყანაც. ამიტომ, ყველას უნდა გვახსოვდეს, რომ ქვეყანაში არის გამოწვევები, რომლის მოსაგვარებლად არცერთი დღე არ უნდა გავჩერდეთ. ამის მაგალითია ის სისტემური ინფრასტრუქტურული პროექტები, რომელიც პანდემიის მიუხედავად, ყოველდღე გრძელდებოდა და არცერთხელ არ გაჩერებულა. ამის მაგალითია ის, რაც ახალციხის, ვალეს პრობლემა კანალიზაცია არცერთი დღე არ გაჩერებულა, მიმდინარეობს და უახლოეს პერიოდში დასრულდება, რაც არასდროს ყოფილა. 24 საათიანი წყალმომარაგებაც იქნება და კანალიზაციაც იქნება. არასრდროს ყოფილა ისეთი დონის და ისეთი სისწრაფის რეკონსტრუქცია გზაზე, როგორიც არის ახალციხე-ნინოწმინდა. ეს ყველაფერი იმისთვის კეთდება, რომ ნორმალურ ქვეყანაში ვიცხოვროთ და ნორმალურ ქვეყანაში გავზაროთ ჩვენი შვილები. ყველაფერი უნდა გავაკეთოთ იმისთვის, რომ არანაირი სხვაობა არ იყოს ადამიანი ცხოვრობს ახალციხეში, ვალეში, თბილისში, ბათუმში, ქუთაისში თუ რუსთავში. თანაბარი პირობები ყველასთვის- ამისთვის ვატარებთ ისეთ სისტემურ რეფორმებს, როგორიცაა განათლების რეფორმა, სოციალური დახმარების რეფორმა. ყველაფერი კეთდება იმისთვის, რომ საქართველოს ნებისმიერ კუთხეში თითოეულ ჩვენს მოქალაქეს ჰქონდეს შესაძლებლობა, იშრომოს ღირსეულად და ღირსეულად არჩინოს თავისი ოჯახი“,-განაცხადა პრემიერმა.

როგორც გიორგი გახარიამ აცხადებს, 31 ოქტომბერს დაგგემილი არჩევნები პროვოკაციების გარეშე უნდა ჩატარდეს.

„ყველანაირი გართულებების და პროვოკაციების გარეშე, 31 ოქტომბერს მივიდეთ და ღირსეულად გავიმარჯვოთ. ყველას კარგად უნდა გვესმოდეს, რომ „ქართული ოცნება“ არ არის ის ძალა, რომელიც რაიმე პოპულისტურ დაპირებას გასცემს. ჩვენ ვაკეთებთ იმას, რასაც მოქალაქეებს ვპირდებით. ჩვენ პროგრამის შესაბამისად თითოეული დღე გვაქვს გაწერილი. მინდა გითხრათ, რომ იმ ინფრასტრუქტურულ პროექტებში, რომელშიც ვსაუბროთ, დამატებით ინვესტირებული იქნება 4 წლის განმავლობაში მინიმუმ 20 მილიარდი ლარი. ეს კონკრეტული პროგრამები და პროექტებია, რომელიც უკვე განხილული გვაქვს“,-განაცხადა პრემიერმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა