ვიეტნამში წყალდიდობას 17 ადამიანი ემსხვერპლა, 13 კი ამ დრომდე დაკარგულად ითვლება. Reuters-ის ინფორმაციით, წყალდიდობა ტროპიკულმა შტორმმა გამოიწვია, რომელიც ქვეყანას კვირას დაატყდა თავს.

სტიქიური უბედურების გამო, 30 000-ზე მეტი ადამიანი იძულებული გახდა საცხოვრებელი დაეტოვებინა და დროებით თავშესაფარში გადასულიყო.

ქარიშხალმა და წყალდიდობამ ქვეყანაში 33 000-ზე მეტი სახლი დააზიანა. სინპოტიკოსების ცნობით, ქვეყანას კიდევ ერთი ტროპიკული ქარიშხალი „ლინფა“ უახლოვდება, რომელიც ვიეტნამის სანაპიროს რამდენიმე დღეში მიაღწევს.

იხილეთ ვიდეო: უმძიმესი კადრები ვიეტნამიდან, სადაც წყალდიდობას 17 ადამიანი ემსხვერპლა