რუსეთში, ნიჟნი-ნოვგოროდის ოლქის ქალაქ ბორში უცნობმა პირმა სამგზავრო ავტობუსს ცეცხლი გაუხსნა, რის შედეგადაც დაღუპულია 4 და დაჭრილია 3 ადამიანი, - ამის შესახებ ინფორმაციას TASS-ი ადგილობრივ სამართალდამცავებზე დაყრდნობით ავრცელებს.
სააგენტოს ცნობით, თავდამსხმელი ამ დრომდე არ დაუკავებიათ.
დაშავებული მოქალაქეები ბორის ცენტრალურ საავადმყოფოში არიან გადაყვანილები, ერთ-ერთი მათგანის მდგომარეობა მძიმეა.
ზოგიერთი რუსული მედიასაშუალება ავრცელებს ინფორმაციას 3 დაღუპულისა და 3 დაჭრილის შესახებ.