ჯანდაცვის მსოფლიო ორგანიზაციის გენერალური დირექტორი ტედროს ადჰანომ გებრეიესუსი აცხადებს, რომ კორონავირუსის ე.წ. კოლექტიური იმუნიტეტის შექმნასთან დაკავშირებით ზოგიერთის მიდგომა ამორალურია.

ე.წ. კოლექტიური იმუნიტეტი მიიღწევა, როდესაც დაავადების მიმართ იმუნური მოსახლების დიდი ნაწილი ხდება ვაქცინაციის ან დაავადების მასობრივი გავრცელების გზით. ზოგიერთი თვლის, რომ კორონავირუსს ბუნებრივად, ვაქცინის გარეშე გავრცელების საშუალება უნდა მიეცეს.

„ეს მეცნიერულად და ეთიკურად ამორალურია. კოლექტიური იმუნიტეტი არა ადამიანების დაინფიცირების, არამედ მათი ვირუსისგან დაცვის გზით უნდა მივაღწიოთ,“- განაცხადა ჯანმო-ს ხელმძღვანელმა.

შეგახსენებთ, კორონავირუსის პანდემიის დაწყებიდან დღემდე მსოფლიოში კოვიდ 19-ის 37 მილიონზე მეტი შემთხვევაა დადასტურებული, აქედან დაღუპულია მილიონზე მეტი ადამიანი.