ჩინეთში, ბოლო 2 თვის მანძილზე პირველად, კორონავირუსის შიდა გადაცემის შემთხვევები დადასტურდა.
ჩინეთის ჯანდაცვის ეროვნულმა კომისიამ განცხადება გაავრცელა, სადაც აღნიშნულია, რომ ქვეყანაში, 12 ოქტომბერს, კორონავირუსით ინფიცირების 13 შემთხვევა გამოვლინდა, საიდანაც 6 შიდა გადაცემის შედეგი იყო.
აღსანიშნავია, რომ კოვიდ 19-ის შიდა გადაცემის შემთხვევა ჩინეთში ბოლოს 15 აგვისტოს გამოვლინდა.
ბოლო მონაცემებით, ჩინეთში, პანდემიის გავრცელების დროიდან, კორონავირუსის 85 591 შემთხვევაა დადასტურებული, აქედან დაღუპულია 4 634 ადამიანი.