სომხეთის თავდაცვის უწყება - აზერბაიჯანი სარაკეტო-საარტილერიო თავდასხმებს აგრძელებს

აზერბაიჯანის შეიარაღებულმა ძალებმა მთიანი ყარაბაღის სამხრეთ, ჩრდილოეთ, ჩრდილოთ-აღმოსავლეთ და აღმოსავლეთ მიმართულებებით დღეს დილით სარაკეტო-საარტილერიო თავდასხმები განაახლეს, - ამის შესახებ ინფორმაციას სომხური მედია ქვეყნის თავდაცვის სამინისტროს პრესსპიკერზე, შუშან სტეპანიანზე დაყრდნობით ავრცელებს.

მათივე ინფორმაციით, თავდასხმები განსაკუთრებით ინტენსიურად ფრონტის ჩრდილოეთ-აღმოსავლეთ მიმართულებით ხორციელდება. სომხეთის თავდაცვის უწყება აზერბაიჯანულ მხარეს ცეცხლის შეწყვეტის რეჟიმის დარღვევაში ადანაშაულებს და უარყოფს აზერბაიჯანის თავდაცვის სამინისტროს მიერ გავრცელებულ ინფორმაციას იმის შესახებ, რომ სომხეთმა ტარტარის რაიონის მიმართულებით ცეცხლი გახსნა.

„ამ აბსოლუტურად ყალბი ინფორმაციით აზერბაიჯანული მხარე მშვიდობიანი დასახლებების წინააღმდეგ აგრესიული ქმედებებისთვის ემზადება”, - განაცხადა შუშან სტეპანიანმა.

შეგახსენებთ, დღეს დილით აზერბაიჯანის თავდაცვის უწყებამ გაავრცელა ინფორმაცია, რომ სომხეთის შეიარაღებული ძალები გორანბოის, ტერტერისა და აღდამის რაიონების საარტილერიო დაბომბვას აგრძელებენ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს