ამომრჩეველთა ხმების დაცვის ოპოზიციური შტაბი მუშაობას ყოველდღიურ რეჟიმში ანახლებს

ამომრჩეველთა ხმების დაცვის ოპოზიციური შტაბი მუშაობას ყოველდღიურ რეჟიმში ანახლებს.

შტაბის ხელმძღვანელის, პაატა დავითაიას ინფორმაციით, დღევანდელ შეხვედრაზე არჩევნების დღეს ტექნიკური მხარეების მოგვარებაზე ისაუბრებენ, ასევე განიხილავენ იმ საკანონმდებლო ხარვეზებს, რომელიც კანონმდებლობაში არსებობს და შესაძლოა, ხელისუფლებამ არჩევნებზე ზეწოლის მექანიზმებად გამოიყენოს.

„ძალიან მნიშვნელოვანია, რომ ამომრჩეველთა ხმების დაცვის შტაბმა მუდმივმოქმედი ფუნქციონირება დაიწყო, აიღო ოფისი, სადაც ექნება 24-საათიან რეჟიმში მუშაობა. დღევანდელ შეხვედრაზე ჩვენ ვგეგმავთ ტექნიკური მხარეების მოგვარებას არჩევნების დღესთან დაკავშირებით, აგრეთვე განვიხილავთ იმ საკანონმდებლო ხარვეზებს, რომელიც არსებობს კანონმდებლობაში და ხელისუფლებამ შესაძლოა, გამოიყენოს არჩევნებზე ზეწოლის მექანიზმებად. ვამზადებთ დოკუმენტს, რომელსაც გადავცემთ დიპლომატიურ კორპუსს და გრძელვადიან დამკვირვებლებს. ასევე გვინდა იმ გრაფიკის შედგენა, რაც ნიშნავს დიპლომატიურ კორპუსთან და საერთაშორისო მისიებთან შეხვედრას.

მზადდება სპეციალური მოხსენება პოლიტიკურ პარტიებზე და მათ ლიდერებზე ზეწოლის შესახებ“, - აღნიშნა პაატა დავითაიამ.

შეგახსენებთ, რომ 30-მდე ოპოზიციურმა პარტიამ მემორანდუმი გააფორმა, რომლის მიხედვით ოპოზიციის წარმომადგენლები თანხმდებიან, რომ როგორც საკუთარ, ისე ერთმანეთის ხმებს დაიცავენ.

დეკლარაციის მიხედვით, შეიქმნა ამომრჩევლების ხმების დაცვის შტაბი, რომელსაც პაატა დავითაია ხელმძღვანელობს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს