მამუკა ხაზარაძე - როგორც კი ჩვენ მოვალთ, შავი ჯიპების ეპოქა დამთავრდება

„ლელოს" ლიდერის და პრემიერობის კანდიდატის მამუკა ხაზარაძის განცხადებით, მათი გუნდის მთავარი მიზანი საქართველოში ძლიერი საშუალო ფენის შექმნა და ქვეყნის ეკონომიკური კრიზისიდან გამოყვანაა. როგორც ხაზარაძემ ჟურნალისტებს განუცხადა, არჩევნებში „ლელოს" გამარჯვების შემთხვევაში, ქვეყანაში ძირეული რეფორმები გატარდება, მათ შორის „დასრულდება შავი ჯიპების ეპოქა".

„დღეს ჩვენ წარვადგინეთ ჩვენი კაბინეტი და ის ადამიანები, რომლებიც კონკრეტულ მიმართულებას ჩაიბარებენ. გუნდმა პრემიერობის კანდიდატის თანამდებობაზე თავის რჩეულად დამასახელა. ამას წინ უძღოდა საკმაოდ სერიოზული მოსამზადებელი სამუშაო. იცით, რომ ჩვენ საკმაოდ დიდი პარტიული ინფრასტრუქტურა შევქმენით. ჩვენ შევქმენით საკმაოდ სერიოზული პროგრამა, რომელსაც ეწოდება „ლელოს" ახალი „მარშალის გეგმა", საქართველოს რეკონსტრუქციის პროგრამა, რომელშიც კონკრეტულად არის გაწერილი ქვეყნის ამ მდგომარეობიდან უსწრაფესად გამოყვანის გეგმა. კითხვაზე, თუ რას გავაკეთებთ პირველს, ეს იქნება სერიოზული სტაბილიზაციის შექმნა, რომ გავამყაროთ ჩვენი ეროვნული ვალუტა, შევუქმნათ ქართულ ბიზნესს უახლოეს პერიოდში ის გარემო, რომელიც მათ მისცემთ საშუალებას, რომ თავიანთი ბიზნესები გახსნან. უამრავი კომპანია ყოველდღიურად კოტრდება და ჩვენ გვაქვს კონკრეტული გეგმა,თუ როგორ უნდა გადავწყვიტოთ ეს ყველაფერი, მაგრამ ჩვენი მთავარი მიზანი არის ის, რომ ქვეყანაში ძლიერი საშუალო ფენა შევქნათ. უახლოეს თვეებში ასევე იგეგმება მთელი დავალიანებების რესტრუქტურიზაცია",-განაცხადა ხაზარაძემ.

მისი თქმით, ასევე დაიწყება ანაკლიის პორტის მშენებლობა.

„აუცილებლად დავიწყებთ ანაკლიის პორტისა და ქალაქ ანაკლიის მშენებლობას. ჩვენ სამეგრელოში ძლიერი მიზიდულობის ცენტრი უნდა შევქმნათ. უნდა დავიწყოთ ბიუროკრატიის რეფორმირება. მინდა განვაცხადო, რომ როგორც კი ჩვენ მოვალთ, შავი ჯიპების ეპოქა დამთავრდება",-აცხადებს ხაზარაძე.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)