დავით სერგეენკო - ყველაზე სუსტი წერტილი ჩვენი ჯანდაცვის, ახლა არის მაღალი ფინანსური ბარიერი მედიკამენტებზე

ყველაზე სუსტი წერტილი ჩვენი ჯანდაცვის, ახლა არის მაღალი ფინანსური ბარიერი მედიკამენტებზე, იმ წამლებზე, რომელიც ადამიანმა არა ჰოსპიტალში ყოფნისას, არამედ ჩვეულებრივ ცხოვრებაში უნდა მიიღოს,- ამის შესახებ ჯანდაცვის ყოფილმა მინისტრმა და საბურთალოს ოლქში „ქართული ოცნების“ მაჟორიტარი დეპუტატობის კანდიდატმა დავით სეერგეენკომ „პალიტრანიუსის“ გადაცემა „ნიუსრუმში“ განაცხადა.

მისი თქმით, საქართველოს საკანონმდებლო ორგანოში არჩევის შემთხვევაში მისი ერთ-ერთი მთავარი პრიორიტეტი, სწორედ, მედიკამენტებზე ფინანსური ბარიერის დაწევა იქნება.

„ჯანდაცვის მიმართულება პარლამენტში შესვლის შემთხვევაში, რა თქმა უნდა, გასაკვირი არ იქნება, რომ ერთ-ერთი პრიორიტეტი იქნება ჩემთვის, თუმცა ეს არ იქნება ერთადერთი. სხვა პრიორიტეტებიც მაქვს ჩამოყალიბებული. მაგრამ რადგან კითხვა ეხება ჯანდაცვას, გიპასუხებთ, რომ ყველაზე სუსტი წერტილი ჩვენი ჯანდაცვის, ახლა არის მაღალი ფინანსური ბარიერი მედიკამენტებზე, იმ წამლებზე, რომელიც ადამიანმა არა ჰოსპიტალში ყოფნისას, არამედ ბინაზე ყოფნისას, ჩვეულებრივ ცხოვრებაში უნდა მიიღოს და ეს არის ყველაზე უფრო შემაფერხებელი ფაქტორი იმისთვის, რომ ჯანდაცვაში განვითარდეს მისი მძლავრი ბერკეტები, როგორიც არის პირველადი ჯანდაცვა, პრევენცია, ადრეული დეტექცია. მრავალი საკითხიდან თუ მკითხავს ვინმე ერთ რომელიმეს თუ გამოვყოფ, ეს არის სწორედ მედიკამენტებზე ფინანსური ბარიერის დაწევა,“- განაცხადა სერგეენკომ.

კითხვაზე რატომ არ მოხდა მისი მინისტრობის პერიოდში ამ საკითხის წამოწევა, სერგეენკომ განმარტა, რომ მიუხედავად ჯანდაცვის სექტორის დაფინანსების გასამმაგებისა, ჯერჯერობით მაინც არ არის იმდენი ფინანსები, რომ საბაზისო მოთხოვნილებების უზრუნველყოფა მოხდეს.

„საქართველო გასაშუალებულად თავისი მსყიდველუნარიანობის კოეფიციენტზე გადათვლით, წელიწადში ერთ ადამიანზე ხარჯავს 250 დოლარის ექვივალენტს. აღმოსავლეთ ევროპა ხარჯავს 3-დან 5-მდე ათასამდე, დასავლეთ ევროპა - 8-დან 10 ათასამდე, აშშ - 18 ათას დოლარს წელიწადში ერთ ადამიანზე. ეს არის მიზეზი, რამაც შეგვიშალა ხელი, მიუხედავად გასამმაგებული ჯანდაცვის ბიუჯეტისა, რომ კარგად და ეფექტურად დაგვეფარა მედიკამენტების სეგმენტი. უფრო რომ გავამარტივო, გასამმაგების მიუხედავად, ჯერჯერობით ჯანდაცვაში არ არის იმდენი ფინანსები, რომ მთლიანად უზრუნველვყოთ საბაზო მოთხოვნები,- განაცხადა სერგეენკომ.

იხილეთ ვიდეო

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)