კახა კალაძე გამოძიების დასრულებამდე დავით დარეჯის საკითხზე საუბრისგან თავს იკავებს და აცხადებს, რომ გამოძიების ფარგლებში „ბევრი საინტერესო ფაქტი გამოიკვეთება“

თბილისის მერი კახა კალაძე გამოძიების დასრულებამდე დავით დარეჯის საკითხზე საუბრისგან თავს იკავებს და აცხადებს, რომ გამოძიების ფარგლებში ბევრი საინტერესო ფაქტი გამოიკვეთება.

„რაც შეეხება დავით გარეჯის თემას, კიდევ ერთხელ გავიმეორებ, მნიშვნელოვანია დაველოდოთ გამოძიებას, ბევრი საინტერესო ფაქტი გამოიკვეთება, შესაბამისად, ვაცადოთ გამოძიებას. მესმის, რომ ბევრი კითხვა არსებობს ჟურნალისტების, საზოგადოების მხრიდან, ამიტომ, დაველოდოთ გამოძიებას და ყველაფერი ცხადი იქნება“,-განაცხადა კალაძემ.

კითხვაზე, როგორ შეაფასებდა ის ოპოზიციის მოსაზრებას, რომ დავით გარეჯის საკითხთან დაკავშირებით დაწყებული გამოძიება წინასაარჩევნოდ მიზანმიმართულად ხდება, კალაძემ უპასუხა, რომ ეს თემა „საინტერესო არ არის“.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

ივერი მელაშვილსა და ნატალია ილიჩოვას ბრალი სისხლის სამართლის კოდექსის 308-ე მუხლის პირველი ნაწილით აქვთ წარდგენილი, რაც უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელებას გუსლიხმობს. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა