გროზნოში ჩატარებული სპეცოპერაციის დროს ლიკვიდირებული ტერორისტები ჩეჩნეთში სირიიდან ტერორისტული თავდასხმების განსახორციელებლად ჩამოვიდნენ, - ამის შესახებ ჩეჩნეთის რესპუბლიკის ლიდერმა რამზან კადიროვმა განაცხადა.
"ბოლო პერიოდში ყველა ეს „შაითანი“ რუსეთიდან გაქცეული იყო და სირიასა და სხვა ქვეყნებში იმალებოდა. ახლა კი, თავიანთი დასავლელი სპონსორებიდან მიღებული დაკვეთის შემდეგ, ისინი დაბრუნდნენ და გადაწყვიტეს ტერაქტების სერია მოეწყოთ,“- განაცხადა კადიროვმა.
მან ლიკვიდირებული პირების შესახებ ინფორმაციაც გამოაქვეყნა.
შეგახსენებთ, დღეს რუსულმა მედიამ გაავრცელა ინფორმაცია, რომ ქვეყნის ეროვნული ანტიტერორისტულმა სამსახურმა ჩეჩნეთის დედაქალაქ გროზნოში სპეცოპერაცია ჩაატარა და 4 „ბოევიკის“ ლიკვიდაცია განახორციელა.