შაქარაშვილის საქმეზე ბრალდებული არასრულწლოვნების პროცესზე სხვა ეპიზოდზე ბრალდებული 4 პირიდან ჩვენება მხოლოდ ვახტანგ ჩიქოვანმა მისცა

ფეხბურთელ გიორგი შაქარაშვილის საქმეზე ბრალდებული არასრულწლოვნების სასამართლო პროცესზე სხვა ეპიზოდზე ბრალდებული 4 პირიდან ჩვენება მხოლოდ ვახტანგ ჩიქოვანმა მისცა. მცხეთის რაიონულ სასამართლოში ჩვენების მისაცემად გამოძახებული იყვნენ ირაკლი მუმლაძე, ვახტანგ ჩიქოვანი, ვასილ მახარაძე და თენგო ბარბაქაძე.

როგორც ჟურნალისტებთან საუბარში ნ.ც.-ს ადვოკატი არჩილ ბერიანიძე აცხადებს, ვახტანგ ჩიქოვანმა დეტალურად ისაუბრა მცხეთის ტერიტორიაზე განვითარებულ მოვლენებზე. ბერიანიძის თქმითვე, ჩიქოვანმა განმარტა, რომ გური ამირხანაშვილი "ტოიოტა ქამრიში" საკუთარი სურვილით მას შემდეგ ჩაჯდა, რაც თბილისში წამოყვანა შესთავაზეს.

"მან კიდევ ერთხელ დაადასტურა, რომ არანაირ ორგანიზებას ადგილი არ ჰქონია და ამ გარემოებების გარშემო ისაუბრა და დეტალური ჩვენება მისცა, მათ შორის ბრალდების მხარის კითხვებზე უპასუხა, თუ როგორ განვითარდა მოვლენები აგარაკიდან წამოსვლის შემდეგ, ვისთან ჰქონდა მას კომუნიკაცია, ასევე ისაუბრა ხიდთან განვითარებულ მოვლენებზე. მოწმემ განმარტა რომ გური ამირხანაშვილს წამოყვანა შესთავაზეს, რადგან მარტო იყო, ამასთან, პანდემიის გამო გადაადგილება შეზღუდული იყო და წამოყვანა შესთავაზეს, რაზეც დათანხმდა, საკუთარი სურვილით ჩაჯდა მანქანაში", - აცხადებს ბერიანიძე.

კითხვაზე, შესთავაზეს თუ არა გურამ ამირხანაშვილს მისი მეგობრების მოძებნა, ადვოკატი პასუხობს, რომ ამასთან დაკავშირებით ვახტანგ ჩიქოვანმა გარკვეული სახის ინფორმაცია გააჟღერა, თუმცა, აღნიშნულთან დაკავშირებით, ბერიანიძე საჯაროდ არ საუბრობს.

რაც შეეხება დანარჩენ ბრალდებულებს და მათ შორის, ვასილ მახარაძეს, როგორც ბერიანიძე განმარტავს, მახარაძე გამოძიებაში მიცემულ ჩვენებას სრულად ეთანხმება და მან სასამართლოზე განაცხადა, რომ ჩვენებას საკუთარი ბრალდების სისხლის სამართლის საქმეზე მისცემს. ბერიანიძის თქმითვე, დანარჩენმა ბრალდებულებმაც იგივე პოზიცია გამოხატეს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"