რუსეთის ინფექციური დაავადებების სამსახური კორონავირუსის პანდემიით გამოწვეულ საფრთხეებთან გასამკლავებლად მზად არ იყო, - ამის შესახებ რუსეთის ჯანდაცვის მინისტრმა მიხეილ მურაშკომ განაცხადა.
”სამწუხაროდ, უნდა ითქვას, რომ ინფექციური დაავადებების სამსახურის მიმართულება სრულად არ შეესაბამება იმას, რის წინაშეც ვდგავართ”, - განაცხადა მურაშკომ.
შეგახსენებთ, რომ რუსეთში, ბოლო 24 საათის განმავლობაში, 13 868 ახალი შემთხვევა დადასტურდა, რაც, პანდემიის დაწყების დროიდან, რეკორდულად მაღალი დღიური მაჩვენებელია ქვეყნისთვის.