პოლონეთის პრემიერ-მინისტრი მატეუშ მორავეცკი კარანტინში გადავიდა მას შემდეგ, რაც კორონავირუსით დაინფიცირებულ პირთან ჰქონდა კონტაქტი.
როგორც მორავეცკიმ სოციალურ ქსელში გამოქვეყნებულ ვიდეომიმართვაში განაცხადა, მთავრობა ჩვეულ რეჟიმში განაგრძობს ფუნქცონიერებას.
„ახლახანს შევიტყვე, რომ გასულ პარასკევს კონტაქტი მქონდა პირთან, რომელსაც კორონავირუსზე დადებითი პასუხი აქვს. სანიტარული ნორმებიდან გამომდინარე, მე კარანტინში გადავდივარ. მთავრობა ჩვეულებრივ რიტმში განაგრძობს მუშაობას. მთავრობის შეხვედრები ვიდეო კონფერენციების ფორმატში ჩატარდება“, - განაცხადა მორავეცკიმ. მან პოლონელებს კიდევ ერთხელ შეახსენა, რომ ვირუსის გავრცელების საწინააღმდეგოდ დაწესებული ზომები დაიცვან.