ნინო ბურჯანაძე გია ვოლსკის -  თქვენ ის ვოლსკი ხომ არ ბრძანდებით, ძლივს რომ მელაპარაკებოდით?

,,რა თქმა უნდა, არ მოგიწოდებთ, რომ წაიკითხოთ სისხლის სამართლის კოდექსი, რომელზეც თქვენ ასე ბინძურად ცრუობთ", - ასე პასუხობს პარლამენტის ყოფილი თავმჯდომარე ნინო ბურჯანაძე "ქართული ოცნების" ერთ-ერთ ლიდერს გია ვოლსკის. „ერთიანი საქართველოს“ პრესსამსახურის ინფორმაციით, გია ვოლსკიმ სისხლის სამართლის კოდექსში ღალატის მუხლის შეცვლაში ღიად დაადანაშაულა პარლამენტის ყოფილი თავმჯდომარე ნინო ბურჯანაძე.

„ერთიანი საქართველოს“ ლიდერმა ნინო ბურჯანახემ გია ვოლსკის ბრალდებას ხაშურიდან უპასუხა , სადაც ის საარჩევნო შეხვედრებს მართავს. ნინო ბურჯანაძის განცხადებით, სამშობლოს ღალატი სწორედ ისაა, რასაც ახლა "ქართული ოცნება" აკეთებს .

„ბატონო გია, თქვენ ის ვოლსკი ხომ არ ბრძანდებით ნინო ბურჯანაძეს ძლივს რომ ელაპარაკებოდით, აზრი რომ ვერ გამოგქონდათ იმდენად ღელავდით. სწორედ ის ნინო ბურჯანაძე გპასუხობთ ახლა. რა თქმა უნდა, არ მოგიწოდებთ, რომ წაიკითხოთ სისხლის სამართლის კოდექსი, რომელზეც თქვენ ასე ბინძურად ცრუობთ, რადგან არაფერი არ გაუქმებულა, არცერთი მუხლი არ ამოღებულა, ჩამონათვალი იქნა მხოლოდ, სადაც მუხლების სახელწოდებები იყო დასახელებული და მუხლები დარჩა.

ღალატი სწორედ ისაა, ბატონო გია, რასაც თქვენ ამბობთ , რომ თურმე ოპოზიცია და არასამთავრობოები ამბობენ, რომ დავით გარეჯი არის აზერბაიჯანის ტერიტორია. არავის ეს არ უთქვამს, დავით გარეჯი ჩვენი მიწაა“, - განაცხადა ნინო ბურჯანაძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“