თენგიზ ცერცვაძის განცხადებით, სომხეთთან კორონავირუსთან დაკავშირებით დახმარებაზე კონსულტაციები აღარ მიმდინარეობს, რადგან მათ ისურვეს, კონსულტაციები რუსეთისგან მიიღონ
ინფექციური საავადმყოფოს გენერალური დირექტორის თენგიზ ცერცვაძის განცხადებით, სომხეთთან კორონავირუსის მიმართულებით დახმარების ნაწილში კონსულტაციები აღარ მიმდინარეობს.
კითხვაზე, გრძელდება თუ არა სომხეთთან დახმარების ნაწილში კონსულტაციები, თენგიზ ცერცვაძემ აღნიშნა, რომ სომხეთმა ისურვა, რომ კონსულტაციები რუსეთისგან მიიღოს.
„არ გრძელდება, მათ ძირითადად, ასე ვთქვათ, ისურვეს, რომ ასეთი კონსულტაციები მათ რუსეთმა ჩაუტაროს“,-აღნიშნა ცერცვაძემ.
შეგახსენებთ, საქართველოსა და სომხეთს შორის კონსულტაციები მიმდინარეობდა იმასთან დაკავშირებით, თუ როგორ დაეხმარებოდა საქართველო სომხეთს კორონავირუსის ინფექციის მართვაში.
