ეუთოს მინსკის ჯგუფის თანათავმჯდომარეები ალიევსა და ფაშინიანს ცეცხლის შეწყვეტის შეთანხმების  შესრულებისკენ მოუწოდებენ

ეუთო-ს მინსკის ჯგუფის თანათავმჯდომარეები ილჰამ ალიევსა და ნიკოლ ფაშინიანს, რეგიონში კატასტროფული შედეგების თავიდან ასაცილებლად, ცეცხლის შეწყვეტის შეთანხმების შესრულებისკენ მოუწოდებენ.

მინსკის ჯგუფის თანათავმჯდომარეები (იგორ პოპოვი რუსეთის ფედერაციიდან, სტეფანი ვისკონტი საფრანგეთიდან და ენდრიუ შოფერი ამერიკის შეერთებული შტატებიდან) ერთობლივ განცხადებას ავრცელებენ და მთიან ყარაბაღში მიმდინარე ძალადობის გამო შეშფოთებას გამოთქვამენ.

„თანათავმჯდომარეები მოუწოდებენ აზერბაიჯანის პრეზიდენტ ილჰამ ალიევს და სომხეთის პრემიერ - მინისტრ ნიკოლ ფაშინიანს, დაუყოვნებლივ მიიღონ ზომები მხარეთა ვალდებულებების სრულად შესასრულებლად, მოსკოვის 10 ოქტომბრის განცხადების თანახმად, რეგიონისთვის კატასტროფული შედეგების თავიდან ასაცილებლად.

თანათავმჯდომარეები კიდევ ერთხელ აღნიშნავენ, რომ მშვიდობიანი მოსახლეობის მსხვერპლი დაუშვებელია ნებისმიერ ვითარებაში. თანათავმჯდომარეები მხარეებს მოუწოდებენ, დაუყოვნებლივ განახორციელონ ჰუმანიტარული ცეცხლის შეწყვეტა სამხედრო ტყვეების, დაპატიმრებულებისა და გარდაცვლილთა ნეშტების დაბრუნების უზრუნველყოფის მიზნით და მხარეებს მოუწოდებენ, სასწრაფოდ შეთანხმდნენ ცეცხლის შეწყვეტის შემოწმების მექანიზმზე,“- ნათქვამია განცხადებაში.

ცნობისთვის, აზერბაიჯანსა და სომხეთს შორის ცეცხლის შეწყვეტის შესახებ შეთანხმება მოქმედებს, რომელსაც მხარეებმა მოსკოვში მიაღწიეს და ძალაში 10 ოქტომბრის 12:00 საათიდან შევიდა. მიუხედავად ამისა, კონფლიქტის ზონაში ვითარება კვლავ დაძაბულია, მხარეები ცეცხლის შეწყვეტის რეჟიმის დარღვევაში ერთმანეთს ადანაშაულებენ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"