არმაზ ახვლედიანი - საქართველოში საზოგადოება თუ რამეთია უკმაყოფილო, ეს არის გაუმართავი, კორუმპირებული, პოლიტიკურ ელიტაზე ჩამოკიდებული სასამართლო სისტემა

„ევროპული საქართველოს“ ბათუმის მაჟორიტარობის კანდიდატის, არმაზ ახვლედიანის განცხადებით, „დღევანდელი სასამართლო სისტემა პოლიტიკოსთა მონა-მორჩილია და მოსამართლეების მთელი კორპუსი ხელმძღვანელობს იმით, თუ რას იტყვის ბატონი და რა განწყობა აქვს პოლიტიკურ ლიდერს“.

ახვლედიანის თქმით, ამ ყველაფრის დასასრულებლად საჭიროა სისტემური, ფუნდამენტური და გარდამტეხი ცვლილებები.

„ყოველი მმართველი ძალა გვპირდება, რომ ჩვენი დარღვეული უფლებები იქნება აღდგენილი. ყველა გვპირდება, რომ აღდგება სამართლიანობა. არადა, 20 წელია და უფრო მეტიც, საქართველოში საზოგადოების დიდი ნაწილი თუ რამეთი არის უკმაყოფილო, ეს არის გაუმართავი, კორუმპირებული, პოლიტიკურ ელიტაზე ჩამოკიდებული სასამართლო სისტემა. სწორედ ამიტომაა, რომ ბევრი ჩვენგანი ოცნებობს, მოხვდეს სტრასბურგში, ევროპის ადამიანის უფლებათა სასამართლოში და იქ დაამტკიცოს თავისი სიმართლე. რატომ? იმიტომ, რომ იმ სასამართლოსი სჯერა, ჩვენი სასამართლოსი კი – არა. როგორ შეიძლება, დაუჯერო სასამართლოს, რომელიც პოლიტიკოსთა მონა-მორჩილია? უიშვიათესი გამონაკლისის გარდა, მოსამართლეების მთელი კორპუსი ხელმძღვანელობს სწორედ იმით, რას იტყვის ბატონი, რა განწყობა აქვს პოლიტიკურ ლიდერს. ეს რომ დავასრულოთ, საჭიროა სისტემური, ფუნდამენტური ცვლილება და ჩვენ ამ ცვლილებებს დავიწყებთ სასამართლოს რეფორმირებით, რომლის შედეგადაც მივიღებთ ნამდვილ, ევროპულ, დამოუკიდებელ სასამართლოს", - განაცხადა ახვლედიანმა.

ინფორმაციას პარტიის პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა